पिंपळगाव महाविद्यालयात रक्तदान समिती स्थापन, वर्षभर राबविणार विविध उपक्रम

जागतिक रक्तदाता दिननिमित्त घेतला निर्णय

पिंपळगाव बसवंत -मराठा विद्या प्रसारक समाज संस्थेच्या पिंपळगाव बसवंत येतील कर्मवीर काकासाहेब वाघ कला, विज्ञान आणि वाणिज्य महाविद्यालयात ‘जागतिक रक्तदाता दिन’ साजरा करण्यात आला. जागतिक स्तरावर रक्तदान  जनजागृती आणि सुरक्षित  रक्तदान करण्याविषयी य दिनाचे महत्व आहे. जागतिक आरोग्य संघटनेने २०२१ यां  वर्षाचे ध्येय ‘गिव्ह ब्लड  अॅण्ड कीप द वर्ल्ड बीटींग’ ठेवले आहे.या अनुषंगाने महाविद्यालयात वर्षभर रक्तदान विषयक कार्यक्रम घेण्यासाठी तसेच कोविड १९ च्या पार्श्वभूमीवर ‘रक्तदान  समिती’ स्थापन  करण्यात आली  आहे. समिती वर्षभर विविध  उपक्रमांचे आयोजन करणार आहे.

प्राध्यापक, कर्मचारी आणि  विद्यार्थ्यांमध्ये रक्तदान विषयी जनजागृती निर्माण करणे. रक्तदानाचे महत्व आणि सामाजिक जाणीव निर्माण  करणे. प्रथम वर्ष ते पदवी अंतिम वर्ष पर्यंत  किमान तीन वेळा विद्यार्थ्यांनी रक्तदान करण्यासाठी त्यांना प्रोत्साहित करणे. कोविड १९ च्या पार्श्वभूमीवर ब्लड डोनेशन वॉरियर्स म्हणून काम, आजी-माजी विद्यार्थी,पालक जे इच्छुक रक्तदाते आहेत त्यांना सामावून घेणे, दुर्मिळ रक्तगट दात्यांचा शोध घेणे, महाविद्यालयात दरवर्षी दि १९ जुलै (कर्मवीर गणपतदादा मोरे स्मृतिदिन) आणि १८ जानेवारी (युवा सप्ताह समारोप दिन ) ह्या दोन दिवशी रक्तदान शिबीर आयोजित करणे, मान्यवर तज्ञांची व्याख्याने आयोजित करणे. मुलींचे हिमोग्लोबिन तपासणी करणे,आहार विषयक मार्गदर्शन करणे. दरवर्षी माता पालक मेळावा आयोजित करून त्यांना आरोग्य, आहार विषयक  बाबत मार्गदर्शनपर व्याख्याने आयोजित करणे. पथनाट्य, रॅली यांचे आयोजन  करणे. रक्तदाता ओळखपत्र व युनिक आय. डी. क्रमांक योजना राबविणे. शैक्षणिक वर्ष २०२०-२१ पासून महाविद्यालयात रक्तदान समिती गठीत करण्यात आलेली आहे.

यामध्ये मविप्र संस्थेचे सभापती माणिक बोरस्ते, संचालक  प्रल्हाद  गडाख, स्थानिक व्यवस्थापन समितीचे अध्यक्ष  विश्वास मोरे तसेच महाविद्यालयाचे प्राध्यापक, सेवक यांचा समावेश आहे. अशी माहिती महाविद्यालयाचे प्राचार्य तथा समितीचे अध्यक्ष प्राचार्य डॉ.दिलीप शिंदे आणि क्रीडाधिकारी प्रा हेमंत पाटील यांनी माहिती  दिली. यावेळी समितीचे उद्घाटन करताना स्थानिक व्यवस्थापन समितीचे  अध्यक्ष  विश्वासमोरे,महाविद्यालयाचे प्राचार्य डॉ. दिलीप शिंदे, माजी उपप्राचार्य डॉ.साहेबराव माळोदे, प्रा.डी.डब्ल्यू.शेळके, क्रीडाधिकारी प्रा.हेमंत पाटील. उप प्राचार्य डॉ. एस.एन.आहिरे,उप प्राचार्य प्रा. ज्ञानोबा ढगे, प्रा. संदीप भिसे,डॉ. ज्ञानेश्वर सातभाई, प्रा. जयश्री गोवर्धने, प्रा. साहेबराव मोरे, प्रा. भगवान कडलग  प्रा. नरेंद्र पाटील, प्रा. अमोल मेहेंदळे, शरद भदाणे आदी उपस्थित होते.