नाशिक – जयनगर पवन एक्स्प्रेसचे (11061 LTT ) काही डबे लहावित आणि देवळाली (नाशिकजवळ) दरम्यान आज रविवारी दुपारी सुमारे ३.१० वाजण्याच्या सुमारास रुळावरून घसरले. अपघात निवारण गाडी आणि मेडिकल व्हॅन घटनास्थळी दाखल झाल्या आहेत. या दुर्घटनेत काही प्रवासी जखमी झाल्याची प्राथमिक माहिती आहे.
अपघाताचे कारण अस्पष्ट
मुंबईहून जयनगरकडे निघालेली डाऊन 11061 पवन एक्स्प्रेसचे चार डबे लहावीट-देवळाली दरम्यान घसरले असून या अपघातात काही प्रवासी जखमी झाले आहेत तर या अपघामुळे अप लाईनवरील वाहतूक पूर्णपणे ठप्प झाली आहे. भुसावळातील वरीष्ठ अधिकार्‍यांसह कर्मचारी तसेच एआरटी टीम घटनास्थळी रवाना झाली आहे. अपघातामुळे अनेक गाड्या खोळंबणार असून अपघाताच्या कारणांचा शोध सुरू करण्यात आला आहे.
