नाशिककरांनो, इकडे लक्ष द्या! या दोन दिवशी शहराच्या या भागात पाणी पुरवठा राहणार बंद

नाशिक (इंडिया दर्पण वृत्तसेवा) – पंचवटी विभागाअंतर्गत पेठ रोड गंगापूर डावा तट कालव्याजवळ, दुर्गानगर आणि मखमलाबाद जलकुंभास पाणीपुरवठा करणा-या उर्ध्ववाहिनीला गळती लागली आहे. सदरचे काम तातडीने करणे आवश्यक आहे. उर्ध्ववाहीनी दुरुस्तीचे काम गुरुवार १२ जानेवारी २०२३ रोजी हाती घेण्यात येणार आहे. त्यामुळे दुर्गानगर व मखमलाबाद जलकुंभावरुन प्रभाग क्र. १ आणि प्रभाग क्रमांक ६ मध्ये होणा-या पाणीपुरवठ्यावर परीणाम होणार आहे. प्रभाग क्र. १ मधील शिवतेज नगर (पै.), श्रीधर कॉलनी (पै) तसेच प्रभाग क्रमांक 6 मधील चांदशी रोड, गंगावाडी रोड, फडोळ मळा, रामकृष्ण नगर, पिंगळे नगर, एरिकेशन कॉलनी, मानकर नगर, महालक्ष्मी नगर, स्वामी विवेकानंद नगर, मानकर मळा, तवली डोंगर परिसर, कल्याणी व राजेय सोसायटी, मेहेरधाम, गॅस गोडावून, यशोदानगर, पेठरोड या परिसरात १२ जानेवारी २०२३ रोजीचा दुपारचा आणि सायंकाळचा पाणीपुरवठा होणार नाही.

शुक्रवारी सकाळचा पाणीपुरवठा बंद
प्रभाग क्र. १ मधील दुर्गा नगर, शिव समर्थ नगर, जुई नगर, ओंकार बंगला परिसर शिवतेज नगर (पै.), श्रीधर कॉलनी (पै.) प्रभाग क्रमांक ४ मधील कॅन्सर हॉस्पीटल मागील परिसर, अनुसयानगर, कर्णनगर, समर्थनगर तुळजाभवानी नगर, हमालवाडी परिसर, पवार मळा परिसर तसेच प्रभाग क्रमांक ६ मधील मखमलाबाद गांव, मखमलाबाद रोड पश्चिम भाग, मातोश्री नगर, विद्या नगर, वडजाई माता नगर, महादेव कॉलनी, कोळी वाडा, घाडगे नगर, एरिकेशन कॉलनी (पै.), मानकर नगर (पै.), जयमल्हार कॉलनी, अश्वमेघ नगर, सप्तरंग सोसायटी या परिसरात शुक्रवार १३ जानेवारी २०२३ रोजी सकाळचा पाणीपुरवठा होणार नाही. याबाबत परिसरातील नागरिकांनी नोंद घेऊन महानगरपालिकेस सहकार्य करावे, असे आवाहन पाणीपुरवठा विभागाचे कार्यकारी अभियंता प्रकाश निकम यांनी केले आहे.