मुंबई (इंडिया दर्पण वृत्तसेवा) – पॅन कार्ड हे महत्त्वाच्या कागदपत्रांपैकी एक आहे. त्यामुळेच पॅन कार्डशिवाय कोणतेही आर्थिक काम होऊ शकत नाही. प्रत्येक व्यवहारासाठी आणि बँकेत खाते उघडण्यासाठी ते आवश्यक आहे. आयकरापासून ते कार्यालयापर्यंत कोणतेही आर्थिक काम त्याशिवाय होऊ शकत नाही. पॅन कार्ड आधारशी लिंक करणे अनिवार्य आहे. यापूर्वी त्याची अंतिम तारीख ३० सप्टेंबर २०२१ होती. जी ३१ मार्च २०२२ पर्यंत वाढवण्यात आली आहे. तसेच पॅन कार्डशी संबंधित चुकीमुळे दंडही होऊ शकतो. जर तुमच्याकडे दोन पॅन कार्ड असतील तर तुम्हाला १० हजार रुपयांपर्यंत दंड भरावा लागू शकतो. तसेच बँक खाते ब्लॉक केले जाऊ शकते. तुमच्याकडे दोन पॅन कार्ड असल्यास. जर तुमच्याकडे दोन पॅन कार्ड असतील तर दुसरे कार्ड त्वरित सरेंडर करावे लागणार आहे. आयकर विभाग कायदा १९६१च्या कलम २७२B मध्ये याची तरतूद आहे. तसेच जर तुम्ही पॅन क्रमांक टाकत असाल तर तो काळजीपूर्वक भरा. यामध्ये कोणतीही चूक झाल्यासही दंड होऊ शकतो.
दुसरे पॅन कार्ड कसे सरेंडर करावे
१. पॅन कार्ड सरेंडर करण्याची प्रक्रिया अतिशय सोपी आहे. यासाठी एक सामायिक फॉर्म भरावा लागेल.
२. सर्वप्रथम https://www.pan.utiitsl.com/ या वेबसाइटवर जा.
३. आता ‘नवीन पॅन कार्डसाठी विनंती/ आणि पॅन डेटामध्ये बदल किंवा सुधारणा’ या लिंकवर टॅप करा.
४. आता फॉर्म डाउनलोड करा.
५. फॉर्म योग्यरित्या भरा आणि कोणत्याही NSDL कार्यालयात सबमिट करा
६ पॅन कार्ड सरेंडर करताना फॉर्मसह पॅन कार्ड सबमिट करा.
नाव आणि जन्मतारीख कशी दुरुस्त करावी?
१. सर्वप्रथम https://www.onlineservices.nsdl.com/paam/endUserRegisterContact.html या लिंकवर जा.
२. वरच्या डाव्या बाजूला अर्ज प्रकार वर जा. त्यानंतर विद्यमान पॅन डेटामधील बदल किंवा सुधारणा निवडा.
३. तुमच्या पॅन कार्डची श्रेणी निवडा
४. अर्जदाराच्या माहिती विभागातील माहिती भरा.
५. येथे नाव, जन्मतारीख, ई-मेल, मोबाईल नंबर आणि पॅन क्रमांक टाका.
६. कॅप्चा कोड भरा आणि सबमिट करा.
७. फॉर्म सबमिट केल्यानंतर, पेमेंट पर्याय उपलब्ध होईल. जिथे तुम्ही डेबिट/क्रेडिट कार्ड किंवा UPI वापरून पॅन कार्ड बदलण्यासाठी फी भरू शकता.
