पालघर (इंडिया दर्पण वृत्तसेवा) – मुंबई-अहमदाबाद महामार्गावर एका ट्रकने मागून कारला धडक दिली. या भीषण अपघातात नवजात बालकासह तिघांचा मृत्यू झाला आहे. तर चार जण जखमी झाले आहेत. हे सर्व जण एकाच कुटुंबातील आहेत. जखमींना तातडीने रुग्णालयात दाखल करण्यात आले. सध्या पोलिसांनी जखमींचे जबाब नोंदवलेले नाहीत. त्यामुळे अद्यापपर्यंत गुन्हा दाखल झालेला नाही.
कारमध्ये एकाच कुटुंबातील ७ जण
राठोड कुटुंबातील सात सदस्य कारमधून मुंबईहून गुजरातमधील भिलाडला जात होता. त्याचवेळी कासा पोलीस ठाण्याच्या हद्दीतील एका मंदिराजवळ सकाळी 11.45 वाजता हा अपघात झाला. पालघर पोलिसांचे प्रवक्ते सचिन नावडकर यांनी सांगितले की, या अपघातात नवजात बालकासह ३ जण ठार झाले आहेत. त्यात नरोत्तम राठोड (६५), त्यांचा मुलगा केतन राठोड (३२) आणि एक वर्षाचा आर.व्ही. राठोड यांचा समावेश आहे. तर जखमींमध्ये कार चालक दिपेश राठोड (35), तेजल राठोड (32), मधु राठोड (58) आणि अडीच वर्षांची मुलगी स्नेहल राठोड यांचा समावेश आहे.
Palghar Road Accident 3 Death and 4 Injured
Crime Truck Car
