इंडिया दर्पण ऑनलाईन डेस्क
कराचीः पाकिस्तान पुन्हा एकदा दहशतवादी हल्ल्याचा बळी ठरला आहे. या वेळी दहशतवाद्यांच्या या हल्ल्याने पाकिस्तानच्या सुरक्षेवर प्रश्नचिन्ह निर्माण झाले आहे. खरेतर, खैबर पख्तुनख्वा प्रांतात, आत्मघाती हल्लेखोराने स्फोटकांनी भरलेले वाहन मलिकेल भागात एका संयुक्त चौकीवर घुसवले. या हल्ल्यात पाकिस्तानी लष्कराचे १२ जवान ठार झाले, तर अनेक जखमी झाले. दहशतवाद्यांनी काही जवानांचे मुंडकेही नेले असल्याचे सांगण्यात येत आहे; मात्र लष्कराने अद्याप याला दुजोरा दिलेला नाही.
पाकिस्तानी लष्कराच्या मीडिया शाखा ‘इंटर सर्व्हिसेस पब्लिक रिलेशन’ (आयएसपीआर) नुसार, दहशतवाद्यांनी मंगळवारी रात्री उशिरा बन्नू जिल्ह्यातील मलिकेल भागात एका संयुक्त चौकीवर हल्ला करण्याचा प्रयत्न केला. या आत्मघातकी स्फोटामुळे पोस्टाच्या भिंतीचा काही भाग कोसळला असून आजूबाजूच्या पायाभूत सुविधांचेही नुकसान झाल्याचे सांगण्यात येत आहे. या हल्ल्यात १० सुरक्षा दल आणि फ्रंटियर कॉन्स्टेब्युलरीच्या दोन जवानांसह १२ जवान ठार झाले. पाकिस्तानी तालिबानच्या या गटाने जबाबदारी घेतली.
हाफिज गुल बहादूर ग्रुप या नावाने ओळखल्या जाणाऱ्या पाकिस्तानी तालिबानच्या फुटीर गटाने या हल्ल्याची जबाबदारी स्वीकारली आहे. या हल्ल्यानंतर, पाकिस्तानी लष्कराचे म्हणणे आहे, की या भागात एक चेकिंग ऑपरेशन केले जात आहे आणि या घृणास्पद कृत्यातील दोषींना न्याय दिला जाईल. गेल्या काही दिवसांपासून हल्ले वाढले आहेत. बलुचिस्तान आणि खैबर-पख्तूनख्वामध्ये गेल्या काही दिवसांत हिंसक घटनांमध्ये वाढ झाली आहे. या महिन्याच्या सुरुवातीला ९ नोव्हेंबर रोजी क्वेट्टा येथील रेल्वे स्थानकावर झालेल्या स्फोटात १४ पाकिस्तानी लष्कराच्या जवानांसह २५ जण ठार झाले होते. पाक पंतप्रधानांनी लष्करी कारवाईची घोषणा केली.
या हल्ल्यानंतर बुधवारी पाकिस्तानचे पंतप्रधान शहबाज शरीफ यांनी खैबर पख्तूनख्वाच्या सीमेवर असलेल्या आणि प्रमुख चिनी बेल्ट आणि रोड प्रकल्पांचे घर असलेल्या दक्षिण-पश्चिम बलुचिस्तान प्रांतात फुटीरतावाद्यांविरुद्ध नवीन लष्करी कारवाईची घोषणा केली.
