उरले फक्त पंधराच दिवस! तातडीने ही कामे करा; अन्यथा…

पुणे (इंडिया दर्पण वृत्तसेवा) – कोणतीही कामे वेळेत केली तर नंतर धावपळ होत नाही, त्यासाठी कोणतीही कामे वेळच्या वेळी करणे आवश्यक असते. मग ती वैयक्तिक कामे असो की शासकीय स्तरावरील कामे, कारण मार्च महिना हा आर्थिक वर्षातील शेवटचा महिना असल्याने या महिन्यात सर्व शासकीय कामे अंतिम होतात. या परिस्थितीत टॅक्स रिटर्न, केवायसी, पॅन-आधार अपडेट इत्यादी सरकारी कामांशी संबंधित बाबींमध्ये आपले नुकसान होऊ नये असे तुम्हाला वाटत असल्यास दि.३१ मार्चपूर्वी तुम्ही कोणती कागदपत्रे दुरुस्त करावीत.सदर कामे वेळेवर न केल्यास तुम्हाला समस्यांना सामोरे जावे लागू शकते, तसेच दंडही होऊ शकतो.

पीएम किसान योजना
पीएम किसान योजना अंतर्गत, केंद्र सरकार दरमहा 2000 रुपयांचा हप्ता शेतकऱ्यांच्या खात्यात हस्तांतरित करते. होळीनंतर सरकार 11व्या हप्त्याचे पैसे शेतकऱ्यांच्या खात्यात जमा करणार आहे. जर तुम्हाला तुमच्या खात्यात पैसे कोणत्याही अडथळ्याशिवाय यायचे असतील, तर तुम्ही ३१ मार्चपर्यंत ई-केवायसी करून घेतले पाहिजे. सरकारने आता सर्व भागधारकांसाठी ई-केवायसी अनिवार्य केले आहे. अशा परिस्थितीत, जर तुम्ही ई-केवायसी केले नाही, तर तुमचा 11 वा हप्ता अडकेल. हे काम ऑनलाइनही घरी बसून करता येते.
पॅन आणि आधार कार्ड
आपल्याला माहिती असेलच की, पॅन कार्ड आधारशी लिंक करणे आता अनिवार्य झाले आहे. ही दोन्ही कागदपत्रे आपल्या देशात अत्यंत महत्त्वाची आहेत आणि प्रत्येक कामात त्यांची गरज असते. या परिस्थितीत, जर तुम्ही अद्याप तुमचे पॅन कार्ड आधारशी लिंक केले नसेल, तर तुम्ही त्वरित लक्ष देणे आवश्यक आहे. यासाठी सरकारने ३१ मार्च २०२२ ही अंतिम मुदत दिली आहे. तुम्ही हे काम या तारखेपूर्वी केले नाही, तर तुमचे पॅन कार्डच रद्द होणार नाही, तर याउलट आयटी कायद्याच्या कलम २७२बी अंतर्गत १० हजार रुपयांचा दंडही भरावा लागू शकतो.

केवायसी अपडेट
रिझर्व्ह बँक ऑफ इंडिया (RBI) ने बँक खात्यांमध्ये KYC अपडेट करण्याची अंतिम मुदत 31 मार्च 2022 पर्यंत वाढवली आहे. दि. ३१ मार्चपूर्वी तुमचे केवायसी अपडेट न केल्यास तुमचे खाते गोठवले जाऊ शकते. आम्ही तुम्हाला सांगतो, KYC फक्त बँकेतच नाही तर इतर अनेक सेवांमध्येही आवश्यक आहे. इन्शुरन्स, लोन, मेडिक्लेम, क्रेडिट कार्ड अशा अनेक बाबतीत तुम्हाला नंतर मोठ्या समस्यांना सामोरे जावे लागू शकते. त्यामुळे ३१ मार्चपूर्वी तुमच्या सर्व बँक खात्यांमध्ये KYC अपडेट करून घेणे अधिक चांगले होईल.
आयकर
तुम्ही आयकर श्रेणीत येत असाल तर आर्थिक वर्ष 2021-22 साठी ITR भरण्याची शेवटची तारीख 31 मार्च 2022 आहे. विशेषत: पगारदारांनी या वेळेत आयटीआर भरणे चांगले होईल. तुम्ही असे केले नाही तर तुम्हाला दंड भरावा लागू शकतो आणि तुमच्यावर कायदेशीर कारवाई देखील होऊ शकते. अशा परिस्थितीत तुमची नोकरी धोक्यात घालण्यापेक्षा आयकर रिटर्न वेळेवर भरणे चांगले असते.