इंडिया दर्पण ऑनलाईन डेस्क – आपल्याला एखादी नवी वस्तू घ्यायची असेल तर खूप विचार करावा लागतो. त्यातच आधी याच प्रकारची जुनी वस्तू असेल तर तिचे काय करावे असाही प्रश्न पडतो. विशेषतः नवीन फोन घेण्यासाठी अनेक जण विचार करतात, तेव्हा सध्याच्या फोनचे काय करावे? हा प्रत्येकाच्या मनात मोठा प्रश्न असतो. मात्र थायलंड देशातील एका मॉडेलने नवा फोन घेण्यापुर्वी चांगलीच आयडिया केली.
किंबहुना तिने डोके चालवून मोठी शक्कल लढवली आणि आपल्या जुन्या फोनची चक्क बोली लावली, विशेष म्हणजे हा फोन घेण्यासाठी तिचा एक चाहता चक्क आठ लाख रुपये देण्यास तयार झाला आहे, या संदर्भात त्या देशात खूपच चर्चा सुरू झाली आहे. अर्थात तिने अजून हा फोन विकला नाही, मात्र नवीन फोन घेण्यासाठी ती खूपच उत्सुक आहे असे म्हटले जाते
या मॉडेलचे नाव कानोक्यादा जीतमपोन आहे. या मॉडेलने तिच्या सोशल मीडिया अकाऊंटवर तिच्या फोनच्या विक्रीची घोषणा करताच फोन विकत घेण्यासाठी तरूणांची झुंबड उडाली. असे काय होते, तिच्या फोनमध्ये की, एवढी क्रेझ निर्माण झाली, हीच तर खरी गंमत आहे, कारण तिने जाहीर केले की, तिच्या फोनची बोली जिंकणाऱ्याला त्या फोनमधील मॉडेलचे खासगी फोटो देखील मिळतील.
मग काय, हा फोन घेण्यासाठी उड्या पडू लागल्या, त्यामुळे अनेकांनी या फोनच्या किमतीपेक्षा कितीतरी पट जास्त रक्कमेची बोली लावली. मॉडेलच्या एका चाहत्याने तर फोनसाठी आठ लाख रुपये देण्याचे कबूल केले. अद्यापही तो फोन विकण्यात आलेला नाही. मात्र तो चर्चित फोन नक्की किती रुपयाला विकला जाणार याची सर्वांना उत्सुकता आहे.
Old Smartphone Auction Lakh Rupees Reason
Thailand Model Social Viral
