पुणे (इंडिया दर्पण वृत्तसेवा) – चालत्या वाहनांना आग लागण्याच्या घटना अलीकडच्या काळात खूपच वाढलेल्या दिसून येतात. कारण दुचाकी वाहने रस्त्यावर येऊन जात असताना अचानक पेट घेतात आणि क्षणात जळून खाक होतात, अशीच एक घटना पुणे शहरात घडली.
Ola S1 Pro मध्ये भीषण आग लागल्याची घटना घडली असून या घटनेचा व्हिडिओ सोशल मीडियावर व्हायरल होत आहे. या 31 सेकंदांच्या व्हिडिओमध्ये ओला एस1 प्रो इलेक्ट्रिक स्कूटर रस्त्याच्या कडेला उभी असलेली दिसत असून त्यामध्ये धूर आणि ज्वाला उठत आहेत.
ओला कंपनीने आगीच्या घटनेला दुजोरा दिला आहे. याबाबत कंपनीने सांगितले की, त्यांना पुण्यातील Ola S1 Pro मध्ये आग लागल्याची माहिती मिळाली असून आगीच्या कारणाचा शोध सुरू आहे. स्कूटरचे चालक पूर्णपणे सुरक्षित असल्याचे कंपनीने म्हटले आहे. आगीचे नेमके कारण अद्याप समजू शकले नाही, परंतु लिथियम-आयन बॅटरीचे नुकसान किंवा शॉर्ट सर्किटमुळे ही आग लागली असावी असा अंदाज वर्तवला जात आहे.
https://twitter.com/nileshj100/status/1507654575871852552?s=20&t=ZHVdK1zTYN4aLTZe1mJVxA
लिथियम-आयन बॅटरीमध्ये आग विझवणे खूप कठीण आहे. पाण्याच्या संपर्कात आल्यावर ते लगेच हायड्रोजन वायू आणि लिथियम-हायड्रॉक्साइड तयार करते. हायड्रोजन वायूला आग लागते. मात्र, कारण काहीही असो, इलेक्ट्रिक स्कूटरला अशा प्रकारे आग लागणे ही नक्कीच भीतीदायक घटना आहे.
विशेष म्हणजे ही स्कूटर 115kmph च्या टॉप स्पीडसह आणि 180KM पर्यंत पूर्ण चार्जिंग रेंजसह येते. त्याची किंमत 1,29,999 रुपये (एक्स-शोरूम) आहे. या इलेक्ट्रिक स्कूटरमध्ये 3.98kWh ची बॅटरी देण्यात आली आहे. Ola S1 हे बॅटरीच्या आतील परदेशी यंत्र वगळता पूर्णपणे स्थानिकी बनावटीचे उत्पादन आहे.
