नाशिक महानगरपालिका आयुक्त मनिषा खत्री यांचा पाहणी दौरा…कुंभमेळ्याची तयारी सुरु

इंडिया दर्पण ऑनलाईन डेस्क
नाशिक महानगरपालिकेच्या कुंभमेळ्यासंदर्भातील विविध विकासकामांच्या अनुषंगाने मंगळवारी महानगरपालिका आयुक्त तथा प्रशासक मनिषा खत्री यांनी पाहणी केली. या पाहणीत रस्ते, वाहनतळाच्या जागा, भाविकांसाठी होल्डिंग प्लेस, शेल्टर शेड, सांस्कृतिक व धार्मिक प्रदर्शनाच्या जागा, डिजिटल म्युझियम साठी जागा, नदीकाठावरील रामघाट, रेल्वे स्थानक परिसर, बस डेपो इत्यादींचा समावेश आहे.
मुख्य कामांचे मुद्दे:

1. भाविक ग्राम व पार्किंग:
   • संभाजी स्टेडियम येथे भाविक ग्राम आणि पार्किंगची उभारणी साठी पाहणी
2. रस्त्यांची कामे:
   • पाथर्डी–वडनेर रस्त्याची पाहणी
   • वडनेर गेटपासून वडनेर गावपर्यंत मिलटरी क्षेत्रातील रस्त्याची पाहणी
   • वडनेर येथे वालदेवी नदीवर अतिरिक्त पूल बांधणेच्या दृष्टीने पाहणी
   • वडनेर गाव ते विहितगाव (देवळाळी कॅम्प/भागूर रोडपर्यंत) या भागातील रस्तांची पाहणी
3. इतर संबंधित कामे:
   • बागूल नगर येथील अतिक्रमण काढून व सार्वजनिक शौचालय स्थलांतरित करुन रस्त्याची जागा मोकळी करणेबाबत पाहाणी
   • सौभाग्य नगर ते बिटको चौक (देवळाळी कॅम्प रोड) रस्त्यांची पाहाणी .
   • मालधक्का रोडवर नवीन प्रस्तावित रेल्वे फ्लायओव्हरपर्यंतचे रिसर्फेसिंग (लेव्हल क्रॉसिंग दूर करून) तसेच सिटी बस डिपो आणि रेल्वे स्टेशन प्लॅटफॉर्म नं. ४ पर्यंतच्या ६० मीटर बाहेरील रिंग रोडाचा उर्वरित मध्यभागी भाविक ग्राम/होल्डिंग प्लेस/पार्किंग म्हणून विकासाच्या दृष्टीने पाहणी
   . कुंभमेळ्यासाठी ठरवलेल्या ठिकाणांचे नियोजन:
   • सिन्नर फाटा-विष्णू नगर, मनपा हॉस्पिटल, मनपा स्कूल व पार्क यांना कुंभमेळ्यासाठी उपयोगात आणण्याच्या दृष्टीने पाहाणी.
   • एपीएमसी मार्केट परिसरात भाविक ग्राम व मध्य वाहनतळ नियोजन दृष्टीने पाहणी
   • विभागीय आयुक्त कार्यालयाच्या रस्त्याचा विकास, होल्डींग प्लेस व शेल्टरची उभारणी दृष्टीने पाहणी
   • पुणे रोड (छत्रशिवाजी महाराज प्रतिमेपासून) देवी चौक ते रेल्वे स्टेशनपर्यंत येण्याचा मार्ग , तसेच रेल्वे स्टेशनपासून डॉ. बाबासाहेब आंबेडकर पुतळा जाण्याचा मार्ग विकसन करण्याच्या दृष्टीने पाहणी .
   • रेल्वे स्टेशन जवळील रस्त्यावर अतिक्रमण काढून टाकणे.
   • जेल रोड विकसित करणेच्या दृष्टीने पाहाणी
   • दसक राम घाट, पुणे रोड व रेल्वे स्टेशनकडून येणाऱ्या भाविकांसाठी स्नानगृहाचे नियोजन व दसक राम घाटाचा पूलाच्या वरच्या भागापर्यंत विस्तार करणेच्या दृष्टीने पाहणी
   • संभाजी नगर रस्त्यावर पार्किंग क्षेत्रासाठी योग्य जागा ठरविणे.
   • जेल रोडवरील नाट्यग्रुहाची जागा येथे प्रदर्शन केंद्र, केएन केळा स्कूल व शिखरेवाडी मैदानाच्या अंतर्गत पार्किंग व शेल्टरचे नियोजन दृष्टीने पाहाणी
   • गांधीनगर वसाहत, टाकळी/पुणे रोडवरील टाकळी घाटासाठी अंतर्गत पार्किंगची सोय.
   महानगरपालिका आयुक्तांनी या पाहणीद्वारे कुंभमेळ्यासाठी लागणाऱ्या सर्व विकासकामांवर लक्ष केंद्रित केले आहे.