नाशिक (इंडिया दर्पण वृत्तसेवा)– नाशिक महानगरपालिकेच्या सार्वत्रिक निवडणुक प्रारुप प्रभाग रचनेवर विहित मुदतीत नागरिकांकडून प्राप्त झालेल्या हरकती व सुचनांवर सुनावणी घेण्यात येणार आहे.
सदर सुनावणी ९ सप्टेंबर २०२५ रोजी सकाळी ११.०० वाजेपासून आयोजित करण्यात आली असून, ती स्थायी समिती सभागृह, दुसरा मजला, राजीव गांधी भवन, शरणपूर रोड, नाशिक येथे पार पडणार आहे.
नगरविकास विभाग, महाराष्ट्र शासन यांच्या वतीने प्राधिकृत अधिकारी संजय खंदारे, भा.प्र.से., प्रधान सचिव, पाणीपुरवठा विभाग, मंत्रालय, मुंबई तसेच मनिषा खात्री आयुक्त तथा प्रशासक, नाशिक महानगरपालिका हे स्वतः हरकती व सुचना ऐकून घेणार आहेत.
नियोजित मुदतीत ६ विभागीय कार्यालये तसेच मनपा मुख्यालय येथे प्राप्त झालेल्या एकूण ९१ हरकती/सुचना यावर सदर सुनावणी होणार आहे, ज्या नागरिकांनी विहित मुदतीत लेखी हरकती/सूचना नोंदविलेल्या आहेत त्यांनी नेमून दिलेल्या वेळेत प्रत्यक्ष उपस्थित राहण्याचे आवाहन मनपा प्रशासन व निवडणूक विभागाचे उपायुक्त लक्ष्मीकांत साताळकर यांनी केले आहे.
