भामटा नीरव मोदीच्या हस्तांतरणाला इंग्लंडची मान्यता

नवी दिल्ली – आर्थिक गुन्हेगार नीरव मोदीच्या हस्तांतरणाला इंग्लंडच्या गृह मंत्रालयाने मान्यता दिली आहे. सीबीआयनं या वृत्ताला दुजोरा दिला आहे.

UK मधल्या न्यायालयानं नीरव मोदीच्या हस्तांतरणाची भारताची मागणी योग्य असल्याचा निर्वाळा फेब्रुवारीतच दिला होता. त्यामुळे नीरव मोदी लवकरच भारताच्या हवाली होणार आहे. मोदी सध्या लंडनच्या तुरुंगात आहे.

पंजाब नॅशनल बँकेकडून (पीएनबी) तब्बल २ अब्ज डॉलर्सची फसवणूक मोदी याने केली आहे. मोदी हा हिरे व्यापारी आहे. याप्रकरणात तो भारताला हवा आहे. त्याविरुद्ध तसा गुन्हे दाखल आहेत. त्याची भारतातील मालमत्ताही जप्त करण्यात आली आहे. मात्र, तो लंडलना फरार झाला होता. आता न्यायालयाच्या निकालानंतर इंग्लंडच्या गृहमंत्रालयानेही परवानगी दिली आहे. त्यामुळे त्याला भारताच्या हवाली केले जाणार आहे.