औरंगाबाद : भारूडकार आणि लोककलावंत निरंजन भाकरे यांचे आज सांयकाळी कोरोनामुळे निधन झाले. गेल्या काही दिवसांपासून ते आजारी होते. ‘ बुरगुंडा होईल बया गं ‘ या प्रसिद्ध भारुड यामुळे ते केवळ महाराष्ट्रातच नव्हे तर भारतासह जगातील अनेक देशातील कानाकोपऱ्यात पोहोचले होते.
निरंजन भाकरे यांनी ९० मीटर कापडाचा पायघोळ तयार करून घेतलेली गिरकी चर्चेत होती. मुंबईतील एका कार्यक्रमात त्यांनी ७५ मीटर इंच घेर असलेल्या या पायघोळाच्या गिरकीची नोंद वर्ल्ड अमेझिंग रेकॉर्डमध्ये करण्यात आली होती. राज्यात कोठेही जा, ‘बुरगुंडा होईल बया गं’ असे भारुड ऐकले की, निरंजन भाकरे आठवल्याशिवाय राहत नसे. भारुडाला जिवंत ठेवणारा हा गुणी कलावंत नेहमी सरकारच्या विविध योजना सर्वसामान्यपर्यंत पोहोचवत असे.
