नाशिक (इंडिया दर्पण वृत्तसेवा)- छत्रपती संभाजीनगर महामार्गावर निफाड व शिवरे फाट्याच्या दरम्यान असलेल्या आचोळानाला येथे कांद्याचा भरलेला ट्रॅक्टर खराब रस्त्यामुळे पलटी झाला. त्यामुळे धारणगाव वीर येथील कांदा उत्पादक तुकाराम पंढरीनाथ जाधव यांच्या मालकीच्या कांद्याचे मोठ्या प्रमाणावर नुकसान झाले. ट्रक्टर पलटी झाल्यानंतर त्यामध्ये जवळपास १७ क्विंटल कांदा भरलेला होताय त्यामुळे शेतकऱ्यांच किमान ७५ हजार रुपयाची नुकसान झाल्याचा अंदाज आहे. या शिवारात रहिवासी असलेल्या शेतकऱ्यांनी ट्रक्टर सरळ करण्यासाठी मदत करत कांदा बाजूला करण्याचा प्रयत्न केला.
