निफाड (इंडिया दर्पण वृत्तसेवा) – नाशिक जिल्ह्यात होत असलेल्या पावसामुळे अनेक धरण भरुन नदी पात्रात पाण्याचा विसर्ग सुरु झाला असून निफाड तालूक्यातील खडक-माळेगाव येथील रायते वस्तीवरील जिल्हा परिषदेच्या शाळेजवळ वाहणा-या शेलू नदी वरील छोटा पुलावरुन पाणी वाहत असल्याने पालकांना आपल्या मुलांना शाळेत सोडतांना व घरी नेतांना मोठी कसरत करावी लागत आहे.
पुरामुळे नदीवरील पुलाचा भराव पण काही प्रमाणात वाहून गेलेला असल्याने मानवी साखळी करुन मुलांना एकमेकांकडे सोपवत पलीकडच्या काठा पर्यंत सोडण्याची वेळ आली आहे. तर गावातील नागरीकांना १५ किमीचा वळसा घालून दूरच्या रस्त्याने जावे लागत आहे.
