निफाड (इंडिया दर्पण वृत्तसेवा) – बंगल्यासमोर लावलेली क्रेटा कार वाहन चोरट्यांनी चोरुन नेल्याची घटना सीसीटीव्हीमध्ये कैद झाली आहे. चोरट्यांनी भरवस्तीतून ही कार पळवून नेली. निफाड पंचायत समितीचे माजी सभापती सुभाष कराड यांनी आपल्या बंगल्यासमोर पांढ-या रंगाची कार उभी केली बुधवार पहाटे अडीच वाजेच्या सुमारास अज्ञात चोरट्यांनी बनावट चावीचा वापर करून ही कार चोरुन नेली. चार ते पाच दिवसांपूर्वी नवीन तहसील कार्यालयाच्या आवारात तहसील कार्यालयाच्याच कर्मचारी महिलेने पार्क केलेली नवीकोरी ज्युपीटर ही दुचाकी भरदिवसा वाहनचोरांनी चोरुन नेण्याचा प्रकार घडला आहे. दुचाकी बरोबरच आता चारचाकी वाहनांचे देखील चोरट्यांनी आपला मोहरा वळविल्याने वाहन मालकांमध्ये घबराट पसरली आहे.
