निफाड (इंडिया दर्पण वृत्तसेवा) – प्रहार जनशक्ती पक्षाच्यावतीने नाशिकच्या निफाड येथे शेतकरी मेळावा व पक्षप्रवेश सोहळा ठेवण्यात आला होता. या पक्षप्रवेश सोहळ्यात भाजप ओबीसी महाराष्ट्र राज्य सरचिटणीस व माजी निफाड पंचायत समिती उपसभापती गुरुदेव कांदे यांनी पक्षाला सोडचिठ्ठी देत प्रहार जनशक्ती पक्षाचे संस्थापक अध्यक्ष बच्चू कडू यांच्या उपस्थितीत प्रवेश घेतला.
यावेळी बच्चू कडू यांनी निफाड विधानसभा मतदार संघात गुरुदेव कांदे यांची तर चांदवड विधानसभा मतदारसंघात प्रहार संघटनेचे ग्रामीण जिल्हाध्यक्ष गणेश निंबाळकर यांची उमेदवारी जाहीर केली. निफाड आणि चांदवड विधानसभा मतदारसंघात आता त्रिशंकू लढत निवडणुकीच्या दरम्यान पाहायला मिळणार आहे.
