निफाड (इंडिया दर्पण वृत्तसेवा) – भरधाव वेगाने जाणारी स्विफ्ट डिझायर कार कठडा नसलेल्या पुलावरून थेट नदीच्या पाण्यात कोसळून पलटी झाल्याची घटना लासलगाव-निफाड मार्गांवरील रानवडच्या पुलावर घडली. काळ आला होता पण वेळ आली नव्हती याचा प्रत्यय नाशिकच्या निफाड तालुक्यातील रानवड येथील लोकाना आला.
या कार मध्ये सहा जण होते, कार पलटी होऊन पाण्यात बुडत होती. त्यामुळे त्यात अडकलेल्याना बाहेर पडता येत नव्हते. तिकडे कार नदीत बुडत असल्याचे पाहून परिसरातील तरुण आणि ग्रामस्थांनी तातडीने घटनास्थळी धाव घेऊन मदतकार्य केले. त्यानंतर सर्व ६ जणांना कार मधून सुखरूप बाहेर काढून त्यांचे प्राण वाचविले. कार चालकाचे नियंत्रण सुटल्यामुळे हा अपघाता झाला मात्र ग्रामस्थांनी वेळीच मदत केल्यामुळे नशीब बलवत्तर होते म्हणून सर्वांचा जीव वाचला.
