अहमदनगर (इंडिया दर्पण वृत्तसेवा) – भाजपचे आमदार नितेश राणे यांच्याविरुध्द नगर पोलिस ठाण्यात गुन्हा दाखल करण्यात आला. मुस्लिम समाजाविरोधात प्रक्षोभक भाषण करुन धार्मिक भावना दुखावल्याप्रकरणी ही कारवाई करण्यात आली.
नगर येथे महंत रामगिरी महाराज यांच्या समर्थनार्थ तसेच बांग्लादेशात हिंदुवर होत असलेल्या अत्याचाराच्या निषेधार्थ रविवारी नगरमध्ये सकल हिंदु समाजातर्फे मोर्चा काढण्यात आला होता. यासाठी राणे नगरला आले होते.
मोर्चाचा समारोप दिल्ली गेट येथे झाला. त्यावेळी राणे मुस्लिम समाजाविरोधात प्रक्षोभक भाषण करुन धार्मिक भावना दुखावल्या. मोर्चा संपल्यानंतर रविवारी मुस्लिम कार्यकर्ते मोठ्या संख्येने पोलिस अधीक्षक कार्यालयात जमा झाले. त्यांनी राणे विरुध्द गुन्हा दाखल करण्याची मागणी केली. त्यानंतर हा गुन्हा दाखल करण्यात आला.
