इंडिया दर्पण ऑनलाईन डेस्क – ओक्लाहोमा टीव्ही न्यूज अँकरला (वृत्तनिवेदिका) अलीकडेच एका विचित्र स्थितीचा सामना करावा लागला. नासाचे रॉकेट प्रक्षेपण रद्द झाल्याची बातमी वाचत असतानाच तिला थेट अर्धांगवायूचा झटका आला. ज्युली चिन असे या वृत्तनिवेदिकेचे नाव आहे. तुलसा येथील NBC स्टेशनसाठी ती काम करते. तिने स्वतःच यासंदर्भातील माहिती दिली आहे.
ज्युली ही तिच्या टेलिप्रॉम्प्टरवरून एक बातमी वाचत असताना अचानक अडखळली. तिच्या बोलण्यात व्यत्यय येऊ लागला. ती बातमी देण्याचा पूर्ण प्रयत्न करीत होती. मात्र, ती अडखळली आणि तिला एक शब्द बोलता येत नव्हते. मग कसे तरी ती म्हणाली की, “माफ करा, आज सकाळी माझ्यासोबत काहीतरी झाले आणि मी सर्वांची माफी मागतो.” त्यानंतर थेट प्रक्षेपणाची जबाबदारी तिने हवामानाचा अंदाज वर्तविणाऱ्या महिलेवर सोपवली. त्यानंतर ती ऑन एअर परत आली नाही. तिला रुग्णालयात नेण्यात आले. याची संपूर्ण माहिती तिनी स्वतः फेसबुक पोस्टमध्ये दिली आहे.
तिने आपल्या फेसबुक पोस्टमध्ये लिहिले आहे की, “गेल्या काही दिवसांत जे काही घडले ते अद्याप एक रहस्य आहे, परंतु माझ्या डॉक्टरांचा विश्वास आहे की शनिवारी सकाळी मला पॅरालिसीसचा झटका आला. तुमच्यापैकी काहींनी हे प्रथमच पाहिले आहे आणि मला खेद वाटतो की असे झाले. आमच्या शोच्या आधी मला खूप छान वाटत होतं.”
ती पुढे म्हणाला, “तथापि, आमच्या न्यूजकास्ट दरम्यान काही मिनिटांत विचित्र गोष्टी घडू लागल्या. सुरुवातीला माझी एका डोळ्याची दृष्टी गेली. थोड्या वेळाने माझे हात आणि पाय सुन्न झाले. तेव्हा, मला कळले की मी मोठ्या संकटात आहे, टेलिप्रॉम्प्टरवर माझ्यासमोर लिहिलेले शब्द माझ्या तोंडातून बाहेर पडत नव्हते. जर तुम्ही तो शो पाहिला असेल तर तुम्हाला दिसून येईल की, मी कार्यक्रमात किती बोलण्याचा प्रयत्न केला पण शब्दच फुटत नव्हते.” “या स्थितीवर, डॉक्टर म्हणाले की, मला अर्धांगवायू झाला आहे, परंतु ते खूप तीक्ष्ण नव्हते. अजूनही बरेच प्रश्न आहेत, आणि बरेच काही शोधायचे आहे, परंतु संपूर्ण घटनेचा सर्वात महत्त्वाचा मुद्दा हा आहे की मी लवकर बरे व्हावे.”
https://twitter.com/MikeSington/status/1566854802457251840?s=20&t=R-C0OgMm5CfbNEW_8miUQQ
News Anchor suffered from Paralysis Stroke Video
