नवी दिल्ली (इंडिया दर्पण वृत्तसेवा) – नवीन संसद भवन सध्या चांगलेच चर्चेत आहे. या भवनाची विशालता, सौंदर्य याचे कौतुक होत असतानाच मंगळवारी गणेश चतुर्थीच्या मुहूर्तावर या भवनात विशेष अधिवेशाचे कामकाज सुरू झाले आहे. अशात या भवनात प्रवेश करताच सर्व खासदारांना काही भेटवस्तू मिळाल्या आहेत. या सर्व भेटवस्तू खासदारांसाठी आजीवन संस्मरणीय ठरणार आहेत.
देशाच्या ७५ वर्षांच्या संसदीय प्रवासाचा इतिहास जपणाऱ्या जुन्या संसदेचा मंगळवारी निरोप घेण्यात आला. नवीन संसदेत खासदारांचा प्रवेश सकाळी ११ वाजता झाला. पंतप्रधान नरेंद्र मोदी स्वतः सर्व खासदारांचे स्वागत केले. हा विशेष दिवस ऐतिहासिक बनवण्यासाठी संसद, राज्यसभा आणि लोकसभा या दोन्ही सभागृहांच्या सदस्यांना विशेष भेटवस्तू देण्यात येणार आहेत. भेटवस्तूंमध्ये संविधानाची प्रत, ७५ रुपयांचे चांदीचे नाणे आणि नवीन संसदेचा शिक्का असलेली पुस्तिका यांचा समावेश आहे. याशिवाय संसद भवनाच्या सीलसह इतर अनेक भेटवस्तूही यात असतील. शाच्या विकासाचा गाडा अधिक वेगानं हाकण्यासाठी, नवे संसद भवन सज्ज झाले आहे. आज गणेश चतुर्थीच्या शुभ मुहूर्तावर संसदेच्या विशेष अधिवेशनाचे कामकाज नव्या संसद भवनातून सुरू झाले.
असा झाला सोहळा
संसदेच्या सेंट्रल हॉलमध्ये देशाच्या संसदीय वारशाचे स्मरण करण्यासाठी आणि २०४७ पर्यंत भारताला विकसित राष्ट्र बनविण्याची शपथ घेण्यासाठी एका कार्यक्रमाचे आयोजन करण्यात आले. या समारंभाचे नेतृत्व उपाध्यक्ष जगदीप धनखर, पंतप्रधान नरेंद्र मोदी आणि लोकसभा अध्यक्ष ओम बिर्ला होते. अंदाजे दीड तास हा सोहळा सुरू राहणार असून त्याची सुरुवात आणि शेवट राष्ट्रगीताने झाला. त्यानंतर दुपारचे जेवण आणि मग प्रमुख नेते सर्व खासदारांना नवीन संसद भवनात गेलेत.
New Delhi New Parliament Building Entry MP Special Gifts
