इंडिया दर्पण ऑनलाईन डेस्क – कोणतेही औषध वापरापूर्वी त्याची खूप वेळा चाचणी घेण्यात येते. त्यानंतरच रूग्णांसाठी किंवा माणसांसाठी या औषधाचा वापर करण्यात येतो. परंतु काही वेळा यंत्रणेचे दुर्लक्ष झाल्याने किंवा अन्य कारणामुळे एखादे औषध चुकीचे ठरते किंवा त्याची मात्रा देणे आरोग्यास घातक ठरू शकते, असाच काहीसा गैरप्रकार उत्तर प्रदेशातील लखनऊ शहरात घडला
लहान मुलांना दिले जाणारे अँटिबायोटिक अजिथ्रोमायसिन सिरप चाचणीत अपयशी ठरले आहे. त्यामुळे शासकीय रुग्णालयांमध्ये खळबळ उडाली आहे. यूपी मेडिकल सप्लाय कॉर्पोरेशनने औषध खरेदीची प्रक्रिया केली होती. त्यानंतर रुग्णालयांना सिरपचा पुरवठा करण्यात आला.
मात्र तपास अहवाल येईपर्यंत सरकारी रुग्णालयात मोठ्या प्रमाणात सिरपचे सेवन झाले होते. त्यानंतर औषध परत करण्याच्या सूचना लखनऊ महापालिकेकडून देण्यात आल्या आहेत. मुलांना घसा आणि इतर संसर्गापासून मुक्ती मिळावी यासाठी सरकारी रुग्णालयांमध्ये प्रतिजैविक सिरप मोफत दिले जातात. अॅझिथ्रोमायसिन या अँटीबायोटिक सिरपचा सर्वाधिक पुरवठा सरकारी रुग्णालयांमध्ये केला जातो. बदलत्या ऋतूत मोठ्या संख्येने बालरोगतज्ञांनी अँटिबायोटिक सिरप अॅझिथ्रोमायसीन मुलांना दिले. सरकारी रुग्णालयांमध्ये औषधांचा पुरवठा करण्याची जबाबदारी यूपी मेडिकल सप्लाय कॉर्पोरेशनची आहे. त्यामुळेच अॅझिथ्रोमायसिन सिरप रुग्णालयांना पुरवण्यासाठी खरेदी करण्यात आले. कंपनीने सिरपचा पुरवठा केला. दरम्यान नोव्हेंबर २०२० प्रयोगशाळेच्या चाचणीत चुकीचे ब्रँड केलेले औषध आढळले. अशा परिस्थितीत देखील महामंडळाच्या व्यवस्थापकीय संचालक कांचन वर्मा यांनी औषध न वापरण्याचे आदेश जारी केले आहेत. तसेच कंपनीला लवकरात लवकर औषध बदलण्यास सांगितले.
चाचणीपूर्वी सेवन केलेले औषध Azithromycin 100 MG Syrup याच्या सुमारे ३ लाख बाटल्यांची ऑर्डर एकट्या लखनऊसाठी देण्यात आली. गोदामात औषधांचा पुरवठा करण्यात आला. यानंतर रुग्णालयांनी गरजेनुसार औषध मागवले. रुग्णांमध्ये त्याचे वाटपही सुरू झाले. यावेळी औषधाची गुणवत्ता तपासण्यासाठी चाचणीचे नमुने घेण्यात आले. जे मानकांची पूर्तता करत नाहीत. दरम्यान, २०१९ मध्ये या सिरपची चाचणी घेण्यात आली. जानेवारी २०२० मध्ये अहवाल आला. वर्षभरात औषध परतावा करण्याची आणि बदलण्याची माहिती अधिकाऱ्यांना नव्हती. तब्बल एक वर्ष उलटल्यानंतर महामंडळाच्या अधिकाऱ्याने औषध बदलण्याचे आदेश काढले. सुमारे दोन वर्षांत सरकारी रुग्णालयांमध्ये मोठ्या प्रमाणात औषधांचा वापर झाला आहे. औषधोपचारासारख्या बाबतीत अधिकाऱ्यांची सुस्तता सुरूच आहे. याचा फटका निष्पाप मुलांना सहन करावा लागला आहे.
