इंडिया दर्पण ऑनलाईन डेस्क
राष्ट्रीय परीक्षा संस्थेने (एनटीए) आज शनिवारी नीट यूजी २०२५ चा निकाल जाहीर केला. राजस्थानसाठी हनुमानगड येथील रहिवासी महेश कुमारने ७२० पैकी ६८६ गुण मिळवून परीक्षेत अव्वल स्थान पटकावले आहे. तर मध्य प्रदेशमधील उत्कर्ष अवघीचा दुसरा तर महाराष्ट्रातील कृषांग जोशी असून याचा तिसरा क्रमांका आला. सर्व टॅाप जनरल कॅटीरीतील असून केवळ टॅापर लिस्टमध्ये १० विद्यार्थ्यांमध्ये केवळ एक विद्यार्थींला स्थान मिळाले आहे.
टॅापर आलेल्या महेश कुमारने कठोर परिश्रमाने तो ४ मे रोजी झालेल्या या परीक्षेत देशभरातील २० लाखांहून अधिक विद्यार्थ्यांमध्ये पहिला आला. महेश एका साध्या कुटुंबातील आहे. त्याचे पालक दोघेही सरकारी नोकरीत आहेत. त्याचा अभ्यासाचा प्रवास कठोर परिश्रम, शिस्त आणि समर्पणाने भरलेला आहे. त्याच्या यशामुळे त्याच्या कुटुंबाला आणि गावाला अभिमान वाटला.
नीट यूजी २०२५ चा निकाल अंतिम उत्तर कीसह आता अधिकृत वेबसाइटवर उपलब्ध आहे. उमेदवार त्यांच्या लॉगिन क्रेडेन्शियल्सच्या मदतीने वेबसाइटवर विषयवार गुण, एकूण गुण, टक्केवारी रँक आणि त्यांची पात्रता स्थिती तपासू शकतात.
एनटीए लवकरच एमबीबीएस आणि बीडीएस प्रवेशासाठी आवश्यक असलेले कट-ऑफ गुण जाहीर करू शकते. गेल्या वर्षी, सामान्य श्रेणीसाठी कट-ऑफ ५० टक्के होता, तर ओबीसी, एससी आणि एसटी श्रेणींसाठी तो ४० टक्के होता.
या वर्षीचा कट-ऑफ देखील अखिल भारतीय गुणवत्ता यादीत मिळालेल्या सर्वोच्च गुणांच्या आधारे ठरवला जाईल. नीट यूजी २०२५ मध्ये पात्र ठरलेले विद्यार्थी एमबीबीएस, बीडीएस, आयुष आणि इतर पदवीपूर्व वैद्यकीय अभ्यासक्रमांसाठी केंद्रीकृत समुपदेशनात सहभागी होण्यास पात्र असतील.
अखिल भारतीय कोटा (एआयक्यू) साठी समुपदेशन वैद्यकीय समुपदेशन समिती (एमसीसी) द्वारे केले जाईल, तर राज्य सरकारे त्यांच्या संबंधित राज्यांमधील जागांसाठी स्वतंत्र समुपदेशन करतील.
