नाशिक – जिल्हा बँकेने जप्त केलेल्या २३८ वाहन व ट्रॅक्टर पैकी चांदवड तालुक्यातील १० ट्रॅक्टर व देवळा तालुक्यातील १३ ट्रॅक्टरचा लिलाव प्रक्रिय होती. त्यात ३ थकबाकीदारांनी भरणा केल्याने उर्वरीत २० ट्रॅक्टरची लिलावप्रक्रिया पार पडली. आता पुढील लिलाव १८ फेब्रुवारी रोजी संगमेश्वर शाखा तालुका मालेगाव येथे व १७ फेब्रुवारी रोजी सुरगाणा येथे होणार आहेत. आज झालेल्या लिलाव प्रक्रियेत उत्तम प्रतिसाद मिळाल्याचे बँकेतर्फे सांगण्यात आले. यात १९ ट्रॅक्टरचा व १ पिकअप वाहनाचा लिलाव झाला. लिलावापोटी ८१ लाख ६८ हजार बँकेस प्राप्त झाले.
देवळा तालुक्यातील ३ सभासदानी ट्रॅक्टरची थकबाकी लिलावाच्या जागेवरच भरणा केल्याने ट्रॅक्टर सभासदास परत देण्यात आला. उर्वरित १ ट्रक्टराचा लिलाव स्थगित करण्यात आला. सदर सभासद हे १० ते १५ वर्षापूर्वीचे थकबाकीदार आहेत. बँकेने वारंवार कर्ज मागणी नोटीसा देऊनही व सौजन्याने तगादे करूनही थकीत कर्ज रक्कमेचा बँकेकडे भरणा केला नसल्यामुळे सदरची कार्यवाही केल्याचे बँकेतर्फे सांगण्यात आले. या लिलावा प्रसंगी बँकेचे तालुक्यातील विभागीय अधिकारी रत्नाकर हिरे, बी बी जाधव, वसुली अधिकरी अरुण थेटे, प्रदीप (रमेश ) शेवाळे, तालुका पालक अधिकारी प्रदीप आव्हाड,विका संस्थेचे सचिव यांनी लिलाव प्रक्रियेस उपस्थित राहून सहकार्य केले आहे.
तरी जिह्यातील सर्व थकबाकीदार सभासदांनी कटू कायदेशीर कारवाई टाळून आपला थकबाकीचा भरणा करून बँकेच्या सामोपचार योजनेमध्ये थकबाकीदारांसाठी भरघोस सवलत देऊ केलेली असल्याने जास्तीत जास्त थकबाकीदारांनी सदर योजनेचा लाभ घेऊन थकबाकीचा भरणा करून बँकेस सहकार्य करण्याचे व लिलावाची कटुता टाळावी असे बँकेचे प्रशासक कदम व मुख्य कार्यकारी अधिकारी पिंगळे यांनी बँकेच्यावतीने केले आहे.
