इगतपुरी (इंडिया दर्पण वृत्तसेवा) – इगतपुरी विभागात नाशिक जिल्हा मध्यवर्ती सहकारी बँकेचे एकूण थकबाकीदार सभासद १४८७ व रक्कम रुपये ९ कोटी ३९ लाख इतकी थकबाकी असून यापैकी १३१ सभासदांचे ७६.०० लाख रुपये चे दाखले प्राप्त केलेले असून उर्वरित १३५६ सभासदांचे ८ कोटी ६४ लाख रुपये चे १०१ वसुले दाखले प्राप्त होणार असून या पैकी तालुक्यातील १५० सभासद यांचे कडे रुपये ५ कोटी ३ लाख थकबाकी असून वर्तमानपत्रात नावे प्रसिद्ध होण्यापूर्वीच्या नोटीसा बँकेकडून दिलेल्या आहेत.यापूर्वी जिल्ह्यातील टाँप थकबाकीदरांची यादी इगतपुरी तालुक्याच्या सर्व शाखा व वि.का.संस्था व आदिवासी संस्था व ग्रामपंचायत येथे प्रसिद्ध करण्यात आलेल्या आहे. आता यापुढे इगतपुरी तालुक्यातील १५० प्रमुख थकबाकीदार यांच्या याद्या तालुकाभरात बँक शाखा,वि.का.संस्था व आदी.संस्था ग्रामपंचायत, कृषी उत्पन्न बाजार समिती येथे प्रदर्शित केल्या जातील.यापूर्वी बँकेने ५२ सभासद १ कोटी ३८ लाख रुपये चे अपसेट प्रस्ताव सहाय्यक निबंधक कार्यालय इगतपुरी यांचेकडे दाखल असून पैकी ३९ सभासद यांचे १ कोटी ४६ लाख रुपये चे अपसेट दाखले मिळविलेले असून पैकी ३६ सभासदांचे १ कोटी ४४ लाख रुपये वसुली कामी ३० सप्टेंबर २२ व ०१ ऑक्टोबर २०२२ रोजी जमिनींचे लिलाव घोटी येथे आयोजित केलेले आहे.या लिलावात भाग घेण्याकामी नाशिक जिल्ह्यातून प्रतिसाद मिळण्याची शक्यता आहे.
तरी उर्वरित सर्व थकबाकीदार यांना जिल्हा बँकेचे प्रशासक अरुण कदम,मुख्यकार्यकारी अधिकारी शैलेशी जी पिंगळे, तालुक्याचे सहाय्य्क निबंधक सैदांने मँडम, कर्मचारी संघटना अध्यक्ष रतन जाधव, सचिव रमेश शेवाळे तसेच सरव्यवस्थापक नितीन ओस्तवाल, पालक अधिकारी गव्हाणे,तालुक्याचे विभागीय अधिकारी संतोष हुकिरे व बँकेचे सर्व बँक निरीक्षक,शाखा व्यवस्थापक व संस्थेचे सर्व सचिव बंधू यांनी सर्व थकबाकीदार सभासदांना आपली थकबाकी बँकेत भरून व कटूप्रसंग टाळावा असे आवाहन केलेले आहे. यामुळे इगतपुरी तालुक्यातील सर्व थकबाकी दार यांची थकबाकी चौकशी कामी सचिवांकडे बँकेकडे धावाधाव चालू असल्याचे चित्र आहे.
