मुंबई (इंडिया दर्पण वृत्तसेवा) – ख्यातनाम पत्रकार ताराचंद म्हस्के पाटील यांची राष्ट्रवादी काँग्रेस पार्टीचे “प्रदेश प्रवक्ता” या पदावर नियुक्ती केल्याचे पक्षातर्फे जाहीर करण्यात आले असून नियुक्तीचे पत्र पक्षाचे ज्येष्ठ नेते आणि राज्याचे विरोधी पक्ष नेते अजितदादा पवार यांनी त्यांना प्रदान केले आहे.
ताराचंद म्हस्के पाटील यांनी ३७ वर्षे पत्रकारिता क्षेत्रात काम केलेले असून याकाळात त्यांचा विविध राजकीय नेत्यांशी जवळून संबंध आला मात्र कृषी,शिक्षण,सहकार,ग्रामीण विकास, क्रीडा, राजकारण ,शेतकरी,कामगार,या सर्वच क्षेत्रात भरीव योगदान असलेले ज्येष्ठ नेते खासदार शरदचंद्रजी पवार साहेब यांच्या विचारांचा तसेच कणखर नेतृत्वाचा प्रभाव पडल्याने ताराचंद म्हस्के पाटील यांनी पवार साहेब यांच्या नेतृत्वाखाली काम करण्याचा निर्णय त्यांनी घेतला.तत्कालीन उपमुख्यमंत्री अजितदादा पवार यांच्या उपस्थित मुंबई येथे पक्ष मुख्यालयात ताराचंद म्हस्के पाटील यांना राष्ट्रवादी काँग्रेस पक्षात प्रवेश देण्यात आला.
पत्रकारिता क्षेत्रातील दीर्घकाळ अनुभव लक्षात घेता ताराचंद म्हस्के पाटील यांची ‘प्रदेश प्रवक्ता’ या पदावर मेरिटवर नियुक्ती केली असून त्याची जबादारी योग्य प्रकारे पार पाडतील असा विश्वास व्यक्त करून करून अजित पवार यांनी ताराचंद म्हस्के पाटील यांचे अभिनंदन करून शुभेच्छा दिल्या आहेत.
ताराचंद म्हस्के पाटील यांचा पत्रकारिता क्षेत्रातील मोठा अनुभव पक्षासाठी प्रदेश प्रवक्ता म्हणून भूमिका मांडतांना नक्कीच लाभदायक ठरेल तसेच नव्या पदाची जबादारी ते चांगल्या प्रकारे पार पाडतील असा विश्वास यावेळी प्रदेश अध्यक्ष आमदार जयंत पाटील यांनी व्यक्त केला. राष्ट्रवादी काँग्रचे ज्येष्ठ नेते माजी गृहमंत्री दिलीपराव वळसे पाटील,खासदार सुप्रियाताई सुळे यांनीही ताराचंद म्हस्के पाटील यांचे अभिनंद करून शुभेच्छा दिल्या आहेत.
NCP Leader Tarachand Mahske Patil Appointed as a Spokesperson
Politics
