मुंबई (इंडिया दर्पण वृतसेवा) – शेअरमध्ये प्रचंड घसरण होऊन तोट्यात आल्याने बिर्ला टायर्स विरुद्ध नॅशनल कंपनी लॉ ट्रिब्युनल (NCLT) ने दिवाळखोरीची कार्यवाही सुरू करण्याचे आदेश दिले आहेत. केमिकल कंपनी एसआरएफ लिमिटेडच्या याचिकेवर हा आदेश देण्यात आला आहे.
NCLT च्या दोन सदस्यीय कोलकाता खंडपीठाने शेख अब्दुल सलाम यांची बिर्ला टायर्सच्या संचालक मंडळाच्या निलंबनानंतर कंपनी चालवण्यासाठी अंतरिम रिझोल्यूशन प्रोफेशनल (IRP) म्हणून नियुक्ती केली आहे. बिर्ला टायर्सचे शेअर्स सातत्याने घसरत आहेत. आज कंपनीचे शेअर्स 2 टक्क्यांपेक्षा जास्त घसरून 15.60 रुपयांवर आले आहेत. या वर्षी आतापर्यंत तो 38 टक्क्यांपर्यंत खाली आला आहे.
खंडपीठाने दिवाळखोरी संहिता (IBC) च्या प्रक्रियेनुसार स्थगिती जाहीर केली. SRF ने दि. 8 जुलै 2021 पर्यंत टायर कॉर्ड फॅब्रिकच्या पुरवठ्यासाठी 15.84 कोटी रुपयांच्या पेमेंटचा दावा केला होता, ज्यामध्ये 10.06 कोटी रुपयांची मूळ रक्कम आणि 5.78 कोटी रुपयांचे व्याज समाविष्ट आहे.
न्यायाधिकरणाने सांगितले की, दिलेल्या कागदपत्रांच्या आधारे समाधानी आहे” की “डिफॉल्ट झाले आहे”. न भरलेले ऑपरेटिंग कर्ज फेडले नसल्याचे आढळून आले आणि बिर्ला टायर्सनेही हे मान्य केले आहे. तसेच NCLT खंडपीठाने 5 मे 2022 रोजी हा आदेश दिला. NCLT ने या प्रकरणी बिर्ला टायर्सला 20 ऑक्टोबर 2021 रोजी नोटीस बजावली होती.
