इंडिया दर्पण ऑनलाईन डेस्क
अमरावतीच्या माजी खासदार नवनीत राणा यांना हैदराबाद न्यायालयाने समन्स पाठवले असून २८ फेब्रुवारी रोजी न्यायालयात उपस्थित राहण्याचे आदेश दिले आहे. खासदार अससु्द्दीन ओवैसी आणि त्यांच्या बंधूच्याविरोधात केलेल्या आक्षेपार्ह वक्तव्याविरोधात त्यांना हे समन्स पाठवण्यात आले आहे.
लोकसभा निवडणुकी दरम्यान ८ मे २०२४ रोजी हैदराबादमध्ये भाजपच्या उमेदवार माधवी लता यांच्या प्रचारासाठी आयोजित करण्यात सभेत बोलतांना राणा यांनी १५ सेंकद पोलिसांना हटवावं असं वक्तव्य करत त्यांनी ओवैसी बंधूंना आव्हान दिले होते. त्यानंतर त्यांच्यावर गुन्हा दाखल करण्यात आला होता.
ओवैसी बंधूंना आव्हान देतांना त्यांनी म्हटले होते की, आम्हाला १५ सेंकद पुरेशी आहेत. पोलिसांना १५ सेंकदांसाठी हटवा, कोण कुठून आलं आणि कुठून गेलं हे दोन्ही भावांना कळणार नाही. या वक्तव्याची दखल निवडणूक निर्णय अधिका-यांनी घेतली. त्यानंतर त्यांच्याविरोधात गुन्हा दाखल करण्यात आला. आता न्यायालयाने समन्स पाठवले आहे.
