नवी दिल्ली – अफगाणिस्तान, सुदान या देशांपाठोपाठ आणखी एका देशात उठाव झाला आहे. बंडखोर अतिशय सक्रीय झाले असून आणीबाणीची परिस्थिती निर्माण झाली आहे. त्यामुळेच इथिओपियामध्ये सध्या अतिशय तणावाचे वातावरण आहे. संपूर्ण जगाचे लक्ष येथील परिस्थितीकडे लागली आहे.
टायग्रेच्या उत्तरेकडील भागातील काही बंडखोर संघटनेने इथिओपियातील दोन प्रमुख शहरे ताब्यात घेतली आहेत. इथिओपियन सरकारने आणीबाणीची स्थिती जाहीर केली असून राजधानी अदिस अबाबामधील अधिकाऱ्यांनी नागरिकांना संरक्षण करण्यासाठी तयार राहण्यास सांगितले आहे.
टायग्रेमधील काही गट गेल्या वर्षभरापासून सरकारशी लढत आहेत, त्यांनी दुसर्‍या बंडखोर गटाशी हातमिळवणी केली. त्यामुळे या लढाईचे निरीक्षण करणार्‍या एका परदेशी अधिकार्‍यांनी सांगितले की, इथिओपियन सैन्याच्या अनेक तुकड्या कोसळल्या किंवा माघार घेतल्याची चिन्हे आहेत. जूनमध्ये इथिओपियन सैन्याचा बंडखोरांकडून पराभव झाला
एक वर्षापूर्वी दि. 4 नोव्हेंबर रोजी पंतप्रधान अबी यांनी उत्तर टायग्रे प्रदेशात लष्करी कारवाई सुरू केली, त्यामुळे त्यांचा राजकीय शत्रू, प्रादेशिक सत्ताधारी पक्ष, टायग्रे पीपल्स लिबरेशन फ्रंटचा पराभव होईल, असे दिसते. पण जलद रक्तहीन मोहिमेचे आश्वासन दिल्यानंतर अबीच्या सैन्याने माघार घ्यायला सुरुवात केली.
जूनमध्ये इथिओपियन सैन्याचा मोठा पराभव झाला जेव्हा त्यांना टायग्रेपासून माघार घेण्यास भाग पाडले गेले आणि त्याच्या हजारो सैनिकांना कैद करण्यात आले. आता ही लढाई वेगाने राजधानीकडे सरकत आहे. पंतप्रधान अबी अहमद यांना ऑक्टोबर 2019 मध्ये इरिट्रियासोबतचा 20 वर्षांचा विरोध संपुष्टात आणल्याबद्दल नोबेल शांतता पुरस्कार मिळाल्याने त्यांची आंतरराष्ट्रीय स्थिती मजबूत झाली. पण इथिओपियाच्या टायग्रे भागात युद्धाची परिस्थिती निर्माण झाली होती. आणीबाणी लागू होण्यापूर्वी, अदिस अबाबामधील शहर प्रशासनाने राजधानीचे रक्षण करण्यासाठी नागरिकांना शस्त्रे वापरण्याचे आवाहन केले.
