नाशिकरोड – भरधाव वेगाने जाणा-या रिक्षाने जोरदार धडक दिल्याने तीन जण जखमी झाले आहे. जेलरोड रोडवरील मिल्लत पब्लिक स्कूल समोर सोमवारी दुपारी शाळा सुटल्यानंतर पालक आपल्या पाल्यांना घेण्यासाठी आले असतांना हा अपघात झाला. रिक्षा चालकाचा ताबा सुटल्याने रस्त्याच्याकडेला शाळेबाहेर उभे असलेल्यांना ही धडक बसली. या अपघाताचे दृष्य सीसीटिव्ही कॅमेरात कैद झाले आहे.
या अपघातात हाजी चांद शहा वय ७२, अब्दुल रझाक मन्सुरी वय ६२, अमिना नवाज मन्सूरी वय ७ वर्ष जखमी झाले आहेत, जखमींवर खाजगी रुग्णालयात उपचार सुरू आहेत, यातील हाजी चांद शहा वय ७२ यांच्या डोक्याला मार लागला आहे. त्यांची प्रकृती चिंताजनक असल्याने त्यांना खासगी रुग्णालयात दाखल करण्यात आले आहे.
