नाशिक (इंडिया दर्पण वृत्तसेवा)- नव्याने बांधकाम सुरू असलेल्या साईटवरून चोरट्यांनी सुमारे चार लाख रूपये किमतीच्या सेंट्रींग प्लेटा चोरून नेल्या. ही घटना मखमलाबाद शिवारात घडली असून याप्रकरणी म्हसरूळ पोलीस ठाण्यात चोरीचा गुन्हा दाखल करण्यात आला आहे.
चेतन वसंत लखन (रा.गुरूद्वारारोड,देवळाली कॅम्प) यांनी याबाबत फिर्याद दाखल केली आहे. लखन यांची साईराज बिल्डर अ‍ॅण्ड डेव्हलपर्स नावाची फर्म असून, त्यांचे बागड प्रॉपर्टी जवळ स्काय पवेलियन नावाच्या इमारतीचे बांधकाम सुरू आहे.
शनिवारी (दि.१०) अज्ञात तीन ते चार चोरट्यांनी बांधकाम साईटवर ठेवलेल्या सुमारे ३ लाख ९० हजार रूपये किमतीच्या सेट्रींग प्लेटा चोरून नेल्या. ही घटना सीसीटिव्ही यंत्रणेत कैद झाली असून त्या आधारे म्हसरूळ पोलीस चोरट्यांचा शोध घेत आहेत. अधिक तपास हवालदार चव्हाण करीत आहेत.
