नाशिक (इंडिया दर्पण वृत्तसेवा) – मुख्यमंत्री उद्धव ठाकरे, उपमुख्यमंत्री अजित पवार, गृहमंत्री दिलीप वळसे पाटील, पालकमंत्री छगन भुजबळ, उच्च व तंत्र शिक्षण मंत्री उदय सामंत, विधानसभा उपाध्यक्ष नरहरी झिरवाळ यांच्यासह अनेक मान्यवर रविवारी (२४ एप्रिल) नाशिक दौऱ्यावर आहेत. या सर्वांच्या उपस्थितीत विविध शासकीय कार्यक्रमांचे आयोजन करण्यात आले आहे. महाराष्ट्र पोलिस अकादमीतील प्रशिक्षणार्थी पोलीस उपनिरीक्षकांच्या 119 व्या सत्राचा दीक्षांत संचलन, गुन्हे अन्वेषण प्रशिक्षण विद्यालयाच्या नवीन इमारतीचे उद्घाटन व मातोश्री मुलींचे वसतिगृह लोकार्पण सोहळा अशा विविध शासकीय कार्यक्रमांचे आयोजन करण्यात आले आहे. या कार्यक्रमांना मुख्यमंत्री उद्धव ठाकरे ऑनलाईन तर उपमुख्यमंत्री अजित पवार व पालकमंत्री छगन भुजबळ यांच्यासह मान्यवर प्रत्यक्ष उपस्थित राहणार आहेत.
पोलीस अकादमीत दीक्षांत समारंभ
महाराष्ट्र पोलीस अकादमीतील प्रशिक्षणार्थी पोलीस उपनिरीक्षकांच्या 119 व्या सत्राचा दीक्षांत संचालनाचा कार्यक्रम आज सकाळी 8 वाजता पोलीस अकादमीतील मुख्य कवायत मैदान येथे होणार आहे. या कार्यक्रमांसाठी मुख्यमंत्री उद्धव ठाकरे, उपमुख्यमंत्री अजित पवार, अन्न, नागरी पुरवठा व ग्राहक संरक्षण मंत्री तथा जिल्ह्याचे पालकमंत्री छगन भुजबळ, गृहमंत्री दिलीप वळसे-पाटील, गृह राज्यमंत्री शहरे सतेज पाटील, गृह राज्यमंत्री ग्रामीण शंभुराज देसाई आदी मान्यवर उपस्थित राहणार आहेत.
गुन्हे अन्वेषण प्रशिक्षण विद्यालयाच्या नवीन इमारतीचे उद्घाटन
तसेच यानंतर सकाळी 9:45 वाजता गुन्हे अन्वयेषण प्रशिक्षण विद्यालयाच्या नवीन इमारतीचे उद्घाटनाचा कार्यक्रम संपन्न होणार आहे. या कार्यक्रमांसाठी मुख्यमंत्री उद्धव ठाकरे, उपमुख्यमंत्री अजित पवार, अन्न, नागरी पुरवठा व ग्राहक संरक्षण मंत्री तथा जिल्ह्याचे पालकमंत्री छगन भुजबळ, गृहमंत्री दिलीप वळसे-पाटील, गृह राज्यमंत्री शहरे सतेज पाटील, गृह राज्यमंत्री ग्रामीण शंभुराज देसाई, पोलीस महासंचालक रजनीश सेठ, अपर पोलीस महासंचालक (प्रशिक्षण व खास पथके) संजय कुमार, महाराष्ट्र पोलीस गृहनिर्माण व कल्याण महामंडळाचे सहव्यवस्थापकीय संचालिका अर्चना त्यागी, महाराष्ट्र पोलीस अकादमीचे संचालक राजेश कुमार आदी मान्यवर उपस्थित राहणार आहेत.
मातोश्री मुलींच्या वसतीगृहाचे लोकार्पण
त्यानंतर सकाळी 11:00 वाजता स्व. यशवंतराव चव्हाण जन्मशताब्दी वर्ष योजनेअंतर्गत मातोश्री मुलींच्या वसतिगृहाचा लोकार्पण सोहळा होणार आहे. या कार्यक्रमास मुख्यमंत्री उद्धव ठाकरे, उपमुख्यमंत्री अजित पवार, अन्न, नागरी पुरवठा व ग्राहक संरक्षण मंत्री तथा जिल्ह्याचे पालकमंत्री छगन भुजबळ, कृषी मंत्री दादाजी भुसे, उच्च व तंत्र शिक्षण मंत्री उदय सामंत, विधानसभा उपाध्यक्ष नरहरी झिरवाळ, नगरविकास, ऊर्जा, आदिवासी विकास, उच्च व तंत्रशिक्षण, आपत्ती व्यवस्थापन, मदत व पूनर्वसन राज्यमंत्री प्राजक्त तनपुरे तसेच जिल्ह्यातील खासदार व आमदार यांच्यासह लोकप्रतिनिधी उपस्थित राहणार आहेत.
