नाशिक (इंडिया दर्पण वृत्तसेवा)- साखरपुड्यातच प्रियकराला मिठी मारणा-या नवरीमुळे होणा-या नव-याने लग्नास नकार दिला. पण, नवरीने लग्न कर नाहीतर हुंडा प्रकरणात अडकवेन अशी धमकी दिल्यामुळे नैराश्यात गेलेल्या नवरदेवाने आत्महत्या केल्याची घटना समोर आली आहे. नवरदेवर हा इन्कम टॅक्स अधिकारी होता. तो नाशिकमध्ये कार्यरत होता. हरेकृष्ण पांडे असे त्याचे नाव आहे.
पांडे यांचा साखरपुडा उत्तर प्रदेशमध्ये झाला होता. साखरपुड्यात होणा-या नवरीचे प्रेम प्रकरण समोर आल्यानंतर नाशिकमध्ये कार्यरत असलेला नवरदेव हरेकृष्ण पांडे मानसिक तणावात होता. दरम्यान लग्नाच्या दिवशीच हरेकृष्ण पांडे यांनी आत्महत्या केली आहे. उत्तमनगर परिसरात त्याने गळफास घेतला.
होणा-या बायकोकडून सतत ब्लॅकमेल आणि मानसिक त्रास झाल्यामुळे त्याने हे टोकाचे पाऊल उचलले. याप्रकरणी अंबड पोलिस ठाण्यात गुन्हा दाखल करण्यात आला असून सखोल चौकशी सुरु आहे. प्रेम, फसवणूक आणि ब्लॅकमेलिंगच्या सावटामुळे या तरुणाने आयुष्य संपवले.
