नाशिक (इंडिया दर्पण वृत्तसेवा)- नाशिक शहराचा पाणीपुरवठा शनिवार २१ जून रोजी बंद असणार आहे. तसेच रविवार २२ जूनचा रोजीचा सकाळचा पाणी पुरवठा कमी दाबाने होईल. नाशिक मनपाचे विविध जलशुध्दीकरण केंद्र व बुस्टर पंपींग स्टेशन येथे नाशिक स्मार्ट सिटी कंपनी येथे विविध विकास कामे करणे चालू आहे. त्यानुसार नाशिक स्मार्ट सिटी कंपनी यांनी मनपाची विविध जलशुध्दीकरण केंद्रे येथे नवीन व्हॉल्व्स व फ्लोमीटर्स बसविणे, तसेच पाइपलाईनचे कामांकरीता शटडाऊनची मागणी केली आहे. हे काम करण्यासाठी शनिवार २१ जून रोजी सकाळी ९ ते सायंकाळी ६ वाजेपावेतो शटडाऊन घेणेत येत आहे.
त्यामुळे शनिवार २१ जून रोजी संपूर्ण दिवसभर नाशिक शहराचा पाणी पुरवठा बंद राहील, तसेच रविवार २२ जूनचा रोजीचा सकाळचा पाणी पुरवठा कमी दाबाने होईल, याची नागरिकांनी नोंद घ्यावी व मनपास सहकार्य करावे असे आवाहन करण्यात आले आहे.
