नाशिक : केंद्र शासनाच्या नॅशनल व्हर्टिकल बोर्डने उपलब्ध करुन दिलेली द्राक्ष क्लस्टर डेव्हलपमेंट योजना नाशिक जिल्ह्यासाठी वरदान ठरणारी आहे. या योजनेमुळे जिल्ह्यातील द्राक्ष उत्पादक शेतकऱ्यांचा निश्चितच आर्थीक विकास होणार आहे. द्राक्ष क्लस्टरमुळे शेतकऱ्यांना एकत्रित येवून आपल्या मालाचा दर्जा सुधारता येणार असून उत्पादन ते मार्केटपर्यंन्तच्या सर्व समस्या सहज सोडविता येणार आहेत. क्लस्टर योजना एक आर्थीक स्त्रोत ठरणार असून जिल्ह्यातील अधिकाधिक शेतकऱ्यांना द्राक्ष क्लस्टर योजनेचा लाभ घ्यावा, असे आवाहन खासदार गोडसे यांनी केले आहे.
नाशिक जिल्ह्यात मोठ्याप्रमाणावर द्राक्ष उत्पादन होत आहे. परंतु द्राक्ष उत्पादनासाठी येणाऱ्या अडचणी मोठ्या असल्याने तसेच यापोटी शासनाकडून मिळणाऱ्या सोयी सुविधांचा अभाव असल्याने जिल्ह्यातील द्राक्ष उत्पादक शेतकऱ्यांमध्ये सतत चिंतेचा आणि नाराजीचा सुर पसरला आहे. यातून मार्ग काढण्यासाठी नाशिक येथे द्राक्ष क्लस्टर व्हावे, यासाठी खा. गोडसे यांनी केंद्राकडे सततचा पाठपुरावा केला होता. यातुनच केंद्राने देशात ५३ इतके द्राक्ष क्लस्टर उभारण्याचा निर्णय घेतला आहे. पायलट प्रोजेक्ट (प्रकल्प) मध्ये नाशिकचा समावेश केला आहे. या योजनेत नाशिकच्या द्राक्ष पिकाचा समावेश करण्यात आलेला आहे. या क्लस्टर योजनेचे आज नाशिक येथील कृषि विभागाच्या प्रशिक्षण केंद्राच्या सभागृहात येथे सादरीकरण करण्यात आले. यावेळी बोलतांना खा. गोडसे यांनी वरील आवाहन केले. याप्रसंगी कृषि विभागाचे संजय पडवळ, अशोक गायकवाडे, जगन्नाथ खापरे, माणिकराव पाटील, संजय पाटील, सुनिल वानखेडे, डॉ. राजपूत, डॉ. बडगुजर, नॅशनल व्हर्टिकल बोर्डचे हुशारसिंग, प्रकल्प संचालक राजेंद्र निकम, हेमंत काळे आदी मान्यवरांसह जिल्ह्यातील द्राक्ष उत्पादक बागायतदार आणि शेतकरी गटांचे पदाधिकारी मोठ्या संख्येने उपस्थित होते.
आज ग्रॅड थॉटर या कंपनीचे व्यवस्थापक झानीयल यांनी ऑनलाईन द्राक्ष क्लस्टरचे सादरीकरण केले. यावेळी झानीयाल यांनी द्राक्षांचे देशात आणि देशाबाहेर असलेले महत्त्व तसेच द्राक्ष उत्पादनात येणाऱ्या अडीअडचणींवर मात करण्यासाठी काय उपाययोजना कराव्यात, याची सविस्तर माहिती दिली. अवघ्या देशभरात द्राक्ष उत्पादनात नाशिकचा क्रमांक पहिला असून या व्यवसायावर आधारित जिल्ह्यातील हजारो कुटुंबांचा उदरनिर्वाह चालतो. द्राक्ष क्लस्टरमुळे शेतकऱ्यांना एकत्रित येवून आपल्या मालाचा दर्जा सुधारण्यास मदत होणार असून द्राक्ष उत्पादन ते मार्केटपर्यंन्तच्या सर्व समस्या सहज सोडविता येणार आहेत. क्लस्टर योजना एक आर्थीक स्त्रोत ठरणार असून जिल्ह्यातील अधिकाधिक शेतकऱ्यांना द्राक्ष क्लस्टर योजनेचा लाभ घ्यावा, असे आवाहन खासदार गोडसे यांनी केले. यावेळी तान्हाजी गायकर, अनिल ढिकले, दत्तुदादा ढगे, मनोज जाधव, आर. के. शिरसाठ, हेमंत काळे, गोकुळ वाघ, एस. पी. सूर्यवंशी, पी. के. खैरनार, डी. पी. गंभीरे, मंगेश भास्कर, पंकज नाठे, अरुण मोरे, नितीन पाटील, भुषण निकम, प्रदीप भुसारे आदी द्राक्ष उत्पादक शेतकरी उपस्थित होते.
द्राक्ष उत्पादक शेतकऱ्यांनी मांडल्या सूचना
अत्याधुनिक रोपांची निर्मिती करण्यात यावी, रोपे देण्याआधी कंपनीने शेतातील पाणी आणि जमिनीची पोत (दर्जा) तपासणे आवश्यक आहे. मान्यताप्राप्त आणि अत्याधुनिक नर्सरी केंद्र उभारावेत, द्राक्ष पिकावर दावणी रोगाचा प्रादूर्भाव होणार नाही, अशा रोपांच्या जातींची निर्मिती करावी, अवकाळी पावसापासून आणि विविध रोगांच्या प्रादूर्भावापासून द्राक्ष बागांचे संरक्षण होण्यासाठी विविध उपाययोजनांचा क्लस्टरमध्ये समावेश असावा, नर्सरीच्या सहा व्हरायटी असाव्यात, क्लस्टरमध्ये प्लॉस्टीक सीटच्या उत्तम दर्जाचा समावेश असावा, बागांच्या डाटा कलेक्शनसाठी जी.पी.एस. द्वारे आढावा घ्यावा, जिल्हास्तरावर क्लोड स्टोरेजची व्यवस्था असावी, लॉजिस्टीक विषय महत्त्वाचा असून वाहतुकीसाठी विशेष सुविधा निर्माण कराव्यात, जानेवारी ते मार्च हा देशांतर्गंत द्राक्ष पाठविण्याचा हंगाम असल्याने या कालावधीत अतिरिक्त रेल्वेसेवा (वॅगन) ची उपलब्धता असावी, औषध फवारणी मुळे द्राक्ष खाण्यास घातक असतात हा अपप्रचार थांबविण्यासाठी उपाययोजना कराव्यात, फार्मर प्रोट्रेक्टर ॲक्टमध्ये बदल करावा, अशा सूचना यावेळी द्राक्ष उत्पादक शेतकरी आणि द्राक्षांच्या अभ्यासकांनी मांडल्या.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
