नाशिक (इंडिया दर्पण वृत्तसेवा)- नाशिकमधील भुजबळ नॉलेज सिटी येथील मेट इन्स्टिट्यूट ऑफ फार्मसीचे तीन विद्यार्थी – नुपूर भातलोंढे, झरमीन काझी आणि शितल खिंडे – यांची तैवानच्या नॅशनल चांगुआ युनिव्हर्सिटी ऑफ एज्युकेशन येथे तैवान एक्सपिरीयन्स एज्युकेशन प्रोग्राम (टीईईपी) साठी निवड झाली आहे.
ही प्रतिष्ठित आंतरराष्ट्रीय संशोधन फेलोशिप विद्यार्थ्यांना प्रगत औषध विज्ञान आणि जागतिक संशोधन प्रदर्शनात प्रत्यक्ष पणे प्रशिक्षण प्रदान करण्यासाठी महत्त्व पूर्ण ठरणार आहे. या विद्यार्थ्यांची झालेली निवड ही महाविद्यालया साठी देखील एक महत्त्वपूर्ण कामगिरी ठरणार आहे, ज्याने मेट इन्स्टिट्यूट ऑफ फार्मसीच्या विकसित झालेल्या शैक्षणिक उत्कृष्टतेचे आणि संशोधन क्षमतेचे प्रदर्शन करून देण्यासाठी महत्त्वपूर्ण ठरेल.
वैज्ञानिक सहयोगी आणि मार्गदर्शक म्हणून काम करणारे माविद्यालयाचे प्राध्यापक डॉ. संतोष छाजेड यांनी निवड प्रक्रियेत विद्यार्थ्यांना मार्गदर्शन करण्यात महत्त्वपूर्ण भूमिका बजावली. या प्रयत्नाचे यश प्राचार्य डॉ. संजय जे. क्षीरसागर यांच्या अढळ पाठिंब्यामुळे शक्य झाले, ज्यांनी नेहमीच विद्यार्थ्यांमध्ये संशोधन-केंद्रित वाढीला प्रोत्साहन दिले आहे. त्याचप्रमाणे संस्थेच्या मार्गदर्शिका डॉ. शेफाली भुजबळ यांनी देखील निवड झालेल्या विद्यार्थ्यांचे अभिनंदन करून इतर मुलांना देखील संशोधन कार्यासाठी प्रेरित केले.
या अभिनंदन सोहळ्याप्रसंगी डॉ. संतोष छाजेड यांनी विद्यार्थ्यांच्या कामगिरीबद्दल अभिमान व्यक्त करत म्हटले की, “आंतरराष्ट्रीय व्यासपीठावरील ही मान्यता मेट इन्स्टिट्यूट ऑफ फार्मसीमधील उच्च दर्जाचे शिक्षण आणि संशोधन संधी दर्शवते. जागतिक स्तरावर उत्कृष्टतेसाठी तरुण प्रतिभेला जोपासण्यासाठी आम्ही वचनबद्ध आहोत हे देखील त्यांनी या वेळी नमूद केले.” या फेलोशिपसाठी विद्यार्थ्यांची झालेली ही निवड केवळ संस्थेला गौरवित करत नाही तर भविष्यातील विद्यार्थ्यांना आंतरराष्ट्रीय संशोधन संधींचा पाठपुरावा करण्यास आणि औषधनिर्माणशास्त्रातील प्रगतीमध्ये योगदान देण्यासाठी प्रेरित करते.
विद्यार्थ्यांचे अभिनंदन करताना संस्थेच्या विश्वस्त डॉक्टर शेफाली भुजबळ, महाविद्यालयाचे प्राचार्य डॉक्टर संजय शिरसागर व मार्गदर्शक डॉक्टर संतोष छाजेड
