नाशिक (इंडिया दर्पण वृत्तसेवा) – नाशिक सिन्नरचे आमदार ॲड. माणिकराव कोकाटे यांची महाराष्ट्राचे कृषि मंत्री म्हणून नियुक्ती झाली आहे. या निमित्ताने नाशिकच्या विविध क्रीडा संघटनांच्या वतीने कृषि मंत्री नामदार ॲड. माणिकराव कोकाटे यांचा शाल श्रीफळ सन्मानचिन्ह, आणि सन्मानपत्र प्रदान करून सत्कार करण्यात आला.
यामध्ये कालिका देवी मंदिर संस्था, क्रीडा संस्कृती फाउंडेशन, यशवंत व्यायाम शाळा, व्हॉलिबॉल असो., तलवारबाजी असो, कॅरम, सेपक टाकरा, टेनिस व्हॉलिबॉल, जम्प रोप, नाशिक जिल्हा तालीम संघ, रोलबॉल, खेलो मास्टर्स असो., स्क्वॉश रॅकेट, एन. टी. पी. एस. स्पोर्ट्स क्लब, एकलहरे, हॉकी असो., पोलिस बॉईज क्लब, बेस बॉल असो., सॉफ्ट बॉल असो., फुटसाल असो., मुक्तांगण संस्था अश्या विविध क्रीडा संघटनांचे पदाधिकारी उपस्थित होते.यामध्ये केशव अण्णा पाटील, हेमंत पांडे, राहुल देशमुख, छत्रपती पुरस्कार प्राप्त अशोक, दुधारे, आनंद खरे, ॲड. गोरखनाथ बलकवडे, राजू शिंदे, संजय होळकर, क्रीडा संघटक रवींद्र मोरे, रामदास होते, उदय खरे, अशपाक शेख, अशोक कदम, उत्तम दळवी, बाळु नवले, अशोक कचरे, दिपक निकम, सुभाष तलाजिया, राम पाटील, भरत पाटील, विक्रम दुधारे, मनीषा काठे, एस.बी.शिरसाठ, शशांक वझे, अविनाश ढोली, शुभाष बिरारीस, रमेश कोकाटे, अजित वेळजाळी, कुणाल शिंदे, अभिषेक सोनवणे, आयुष नागले, तन्मय कर्णिक, कुणाल देसाई, कुणाल परदेशी, अरूष सिंघ आदी क्रीडा संघटक आणि खेळाडू उपस्थित होते.
यावेळी सत्काराला उत्तर देताना नामदार ॲड. माणिकराव कोकाटे यांनी सांगितले की, . कृषि विभागाची जबाबदारी आहे. परंतु मी देखील खेळाडू आहे. खेळाडू, क्रीडा संघटक, क्रीडा संस्था आणि क्रीडा संघटना यांना काय अडचणी आहेत ते मला माहित आहेत. माझ्याकडे क्रीडा विभाग नसला तरीही क्रीडा मंत्री नामदार भरणे यांच्याशी चर्चा करून क्रीडा विषयक ज्या ज्या भरीव तरतुदी करता येतील त्यांची पूर्तता केल्याशिवाय मी रहाणार नाही असे सांगितले. तसेच सिन्नर येथे ५० एकर जागेमध्ये सर्व सोई युक्त असे
भव्य क्रीडा संकुल उभारण्याची तरतूद करणार आहे. त्यामुळे नाशिकच्या क्रीडा क्षेत्रासाठी हे फायदेशीर ठरणार आहे असेही त्यांनी सांगितले.
सत्कारमूर्ती नामदार ॲड माणिकराव कोकाटे यांची ओळख नितीन सुगंधी यांनी करून दिली, प्रास्तविक अशोक दुधारे यांनी केले तर केशव अण्णा पाटील यांनी अध्यक्षीय भाषण केले. आभार प्रदर्शन आनंद खरे यांनी केले, तर सूत्र संचलन उदय खरे यांनी केले. हा कार्यक्रम यशस्वी करण्यासाठी कालिका देवी मंदिर संस्थान, क्रीडा संस्कृती फाउंडेशन यांच्या संघटकांनी परिश्रम घेतले.
