नाशिक (इंडिया दर्पण वृत्तसेवा) – अफलातून म्युझिक लव्हर्स आणि कुमार सानू फॅन्सक्लब प्रस्तुत ‘कुमार सानू बर्थ डे स्पेशल’ हा सुरेल कार्यक्रम आयोजित करण्यात आला आहे. दि.२० ऑक्टोबर रोजी प.सा.नाट्यगृह येथे केएसएफसी ग्रुपतर्फे ही विनामूल्य मैफल होईल. सायंकाळी ६ वाजता होणाऱ्या या मैफलीत सर्वांना विनामूल्य प्रवेश मिळेल.
नाशिकचे संजय सातपुते, मधुकर नाठे, देबनाथ रखाल, डी.एम.बोरसे, संतोष देहुकर हे गायक कुमार सानू यांनी गायलेली गाणी सादर करणार आहेत. त्यांना ख्यातनाम गायिका सीमा जाधव, प्रियांका धोटे, शिल्पा गोसावी, अर्चना सोनवणे सुरेल साथ करतील. कार्यक्रमाला अफलातून ग्रुपचे अध्यक्ष हरीशभाई ठक्कर, प्रकाश गोसावी, नितीन व गिरीश ठक्कर, उमेश मालवी यांचे सहकार्य लाभले असून ते प्रमुख पाहुणे म्हणून उपस्थित राहतील.
कार्यक्रमाचे निवेदन दिनेश गोवील करणार आहेत. वर्ल्ड क्लास ऑक्सिजन हॉलिडेतर्फे भाग्यवान श्रोत्यांना पारितोषिके जिंकण्याची संधी आहे. या विनामूल्य स्वरसंध्येला उपस्थित रहावे असे आवाहन कुमार सानू फॅन्सक्लब आणि अफलातून ग्रुपतर्फे करण्यात आले आहे.
