नाशिक (इंडिया दर्पण वृत्तसेवा) – शहरातील मुंबई नाका येथे पोलिस स्टेशनच्या शेजारीच एका आलिशान कारने अचानक पेट घेतला. कार पेटल्याचे लक्षात येताच तातडीने महापालिका अग्निशमन दलाला कळविण्यात आले. महापालिकेचा बंब तत्काळ घटनास्थळी दाखल झाला. अग्निशमन दल कर्मचाऱ्यांनी ही आग विझविली आणि मोठा अनर्थ टळला. मुंबई नाका येथील मायलॅन चौकात ही घटना घडली. या चौकात प्रचंड वर्दळ असते. तेथेच मुंबई नाका पोलिस स्टेशन आणि परिसरात व्यापारी संकुल व हॉस्पिटल्स आहेत. आग कशामुळे लागली हे मात्र समजू शकलेले नाही. कारमधील प्रवासी सुखरुप आहेत.
