सद्यस्थितीत नाशिक जिल्ह्यात कोवीड बाधित रुग्णांची संख्या मोठ्या प्रमाणात वाढत आहे. जिल्ह्यात ऑक्सिजन उत्पादन करणाऱ्या विविध उत्पादकांनी त्यांच्या पुरवठादाराकडून मेडिकल ऑक्सिजन मिळवणे व विविध हॉस्पिटलनी त्यांचे त्यांचे कराराप्रमाणे स्थानिक उत्पादकांकडून ऑक्सीजन उपलब्ध करून घेणेची प्रचलित कार्यपद्धती तशीच कायम असणार आहे. परंतु सद्यस्थितीत अचानकपणे ऑक्सिजनचा तुटवडा निर्माण होत असल्यामुळे काही वेळा संबंधित हॉस्पिटलला पुरवठादारांकडून ऑक्सीजन मिळण्यात अडचण निर्माण झाल्यास यासंदर्भात अन्न व औषध प्रशासन विभागाच्या अधिकाऱ्यांशी संपर्क करून अन्य पर्यायी व्यवस्था काय आहे याची माहिती घेण्यासाठी हेल्प लाईन स्थापन करण्यात आली असल्याची माहिती अतिरिक्त जिल्हाधिकारी तथा मेडिकल ऑक्सिजन कक्षाचे समन्वयक दत्तप्रसाद नडे यांनी शासकीय प्रसिद्धीपत्रकाद्वारे दिली आहे.
—
नाशिक महानगरपालिका, मालेगांव महानगपालिका व नाशिक ग्रामिण भागातील रुग्णालयांतील मेडीकल ऑक्सिजन संबधी समस्यांच्या निराकरणासाठी जिल्हास्तरावर स्थापन केलेल्या नियंत्रण या कक्षाचा संपर्क क्रमांक 9405869940
असा आहे, असेही अतिरिक्त जिल्हाधिकारी दत्तप्रसाद नडे यांनी प्रसिद्धी पत्रकात नमूद केले आहे.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
