नाशिक (इंडिया दर्पण वृत्तसेवा)- वडाळा घरकुल येथे अनाधिकृत भंगारची दुकाने तसेच इतर अवैध अतिक्रमण मंगळवारी काढण्यात आले. तर राजीव नगर झोपडपट्टी येथील अतिक्रमणधारकांना अतिक्रमण काढण्याच्या सूचना देण्यात आल्या. त्याचबरोबर त्रिमूर्ती चौक येथील ओपन स्पेस मधील अनधिकृत पक्के दुकान तोडण्यात आले. इतर व्यवसायिकांना त्यांच्या शेड तोडण्याच्या सूचना देण्यात आल्या.
आयुक्त व अतिरिक्त आयुक्त यांच्या सूचनेनुसार उपायुक्त अतिक्रमण डॉ. मयूर पाटील यांच्या मार्गदर्शनाखाली ही मोहिम राबवण्यात आली. या कारवाईत पवन नगर भाजी मार्केट येथील अतिक्रमण काढण्याच्या सूचना देण्यात आल्या. यावेळी विभागीय अधिकारी राजाराम जाधव श्रीमती बैरागी मॅडम तसेच नवीन नाशिक नाशिक पूर्व व इतर विभागाचे अधिकारी कर्मचारी उपस्थित होते. एकूण तीन ट्रक साहित्य जमा करण्यात आले.
