नाशिक – या दिवशी संपूर्ण शहराचा पाणीपुरवठा राहणार बंद

नाशिक – दुरुस्ती कामासाठी गुरुवार २० जानेवारी रोजी सकाळी ९ ते सायंकाळी ५ वाजेपावेतो एकुण ८ तासांसाठी शटडाऊन आवश्यक असल्याने गंगापुर धरण रॉ.वॉटर पंपिंग स्टेशन व मुकणे धरण रॉ.वॉटर पंपिंग स्टेशन येथून शहरास होणारा रॉ.वॉटर पाणी पुरवठा बंद ठेवावा लागणार आहे. त्यामुळे संपूर्ण शहराचा गुरुवार २० जानेवारी रोजीचा सकाळचा व सायंकाळचा पाणीपुरवठा होणार नाही तसेच शुक्रवार २१ जानेवारीला सकाळचा पाणीपुरवठा कमी दाबाने होणार असल्याची माहिती नाशिक महानगरपालिका
अधिक्षक अभियंता (यां) यांनी दिली.

ते म्हणाले की, मनपाचे गंगापुर धरण पंपिंग पंपिंग स्टेशन येथील मिटरींग क्युबिकल, एचटी व एलटी ट्रान्सफॉर्मर इनकमिंग आऊटगोईंग सप्लाय किट व सबस्टेशन पॅनल रुममधील फिडरचे इनकमिंग आऊटगोईंग सप्लाय किट, वीज वितरण कंपनी बाजुकडील सिक्स पोल स्ट्रक्चरवरील ३३ के.व्ही. इनकमिंग व आऊटगोईंग जंपर बदलणे तातडीची बाब आहे. तसेच मुकणे धरण विल्होळी जलशुध्दीकरण केंद्रातुन जाणारी मुख्य पाईप लाईन दुरुस्ती करणे आवश्यक असल्याने सदर दुरुस्ती कामासाठी हा निर्णय घेण्यात आला आहे.