नाशिक (इंडिया दर्पण वृत्तसेवा) – शहर परिसरात बिबट्यांची दहशत आता वाढली आहे. नाशिकरोड येथे एका पादचाऱ्यावर बिबट्याने थेट हल्ला केल्याची घटना ताजीच आहे. आणि आता आडगाव परिसरामध्ये बिबट्याचे दर्शन झाले आहे. यावेळी मात्र कुत्र्यांनीच बिबट्याला पिटाळून लावले आहे. त्याचा व्हिडिओ समोर आला आहे.
आडगाव येथे मध्यरात्री बिबट्या प्रभाकर माळोदे यांच्या बंगल्यात शिरला पण, या ठिकाणी असलेल्या कुत्र्यांनी त्याला पिटाळून लावले. ही घटना सीसीटीव्हीमध्ये कैद झाली आहे. या सीसीटीव्हीमध्ये बिबट्या बंगल्यात कसा वॅालकंपाऊंडमधून आता येतो. त्यानंतर तो हळूहळू बंगल्यात कसा शिरतो. त्यानंतर त्याला एक कुत्रा झोपलेला दिसतो. यावर तो झडपही घालतो. पण, एका बाकावर झोपलेल्या दुस-या कुत्र्याला ही गोष्ट दिसते व तो थेट बिबट्यावर झडप घालतो. यानंतर बिबट्य़ा काहीसा गोंधळतो. त्यानंतर दोन्ही कुत्रे मिळून बिबटयाला पिटाळून लावतात. असा हा थरार सीसीटीव्हीत कैद झाला आहे.
बघा हा व्हिडिओ
