नाशिक (इंडिया दर्पण वृत्तसेवा) – नाशिक जिल्हा मजूर फेडरेशन अध्यक्षपदी प्रमोद भाबड तर उपाध्यक्षपदी सौ. शर्मिला कुशारे यांची निवड झाली. या निवडणुकीत भाबड यांना १२ मते तर इगतपुरीचे ज्ञानेश्वर लहाने यांना ८ मते मिळाली. भाबड हे नांदगावचे आमदार सुहास आण्णा कांदे यांचे खंदे समर्थक आहे. त्यांच्या नेतृत्वाखालीच त्यांना ही विजय मिळवला. गेल्या महिन्यात जिल्हा मजूर संघाच्या संचालक पदासाठी निवडणूक घेण्यात आली यावेळी २० जागांपैकी ८ जागा बिनविरोध झाल्याने उर्वरित १२ जागांसाठी मतदान घेण्यात आले होते. त्यानंतर ही निवडणूक झाली.
या निवडीनंतर आमदार सुहास आण्णा कांदे, जेष्ठ नेते बापूसाहेब कवडे, विष्णू निकम, नगराध्यक्ष राजेश कवडे, आनंद कासलीवाल, राजेंद्र पवार, योगेश पाटील, राजेंद्र भोसले, केदा आहेर, साईनाथ गिडगे, तेज कवडे, किशोर लहाने, किरण देवरे, मयुर बोरसे, अमोल नावंदर, डॉ. सांगळे, राजेंद्र देशमुख, संजय आहेर, अनिल रिंढे, दशरथ लहिरे, पंकज जाधव, जिल्हा मजूर संघाचे सर्व संचालक मंडळ तसेच उपस्थितांनी प्रमोद भाबड यांचे अभिनंदन करून पुढील वाटचालीस शुभेच्छा दिल्या.
