सिन्नर (इंडिया दर्पण वृत्तसेवा) – गावातील तीन तरुणांकडून त्रास होत असल्याने दहावीच्या वर्गात शिकणाऱ्या सतरा वर्षीय विद्यार्थींनीने स्वतःच्या घरात गळफास घेऊन आत्महत्या केल्याची घटना सिन्नर तालुक्यातील शहा येथे घडली. ही सतरा वर्षीय मुलगी श्री भैरवनाथ हायस्कूल मध्ये दहावीच्या वर्गात शिकत होती. ही घटना मंगळवारी मध्यरात्री एक वाजेच्या सुमारास उघडकीस आली. वैष्णवी नवनाथ जाधव (१६) असे आत्महत्या करणा-या विद्यार्थींनेचे नाव आहे.
ही घटना घडल्यानंतर संतप्त ग्रामस्थांनी थेट वावी पोलीस ठाण्यात मोर्चा काढत मयत मुलीचा मृतदेह ताब्यात घेण्यास नकार दिला. यानंतर पोलीस ठाण्याचे सहाय्यक पोलीस निरीक्षक चेतन लोखंडे यांच्या मदतीने मयत मुलीचा मृतदेह अंत्यसंस्कारासाठी ताब्यात देण्यात आला.. या मुलीने मृत्यूपूर्वी चिठ्ठी लिहली असून त्यात गावातील तीन तरुणांकडून त्रास होत असल्याचे म्हटले आहे. याप्रकरणी वडिलांनी तक्रार केली असून वावी पोलीस ठाण्यात आत्महत्या करण्यास प्रवृत्त केल्याप्रकरणी तीन जणांविरुध्द गुन्हा दाखल करण्यात आला आहे.
चिठ्ठीत दिले होते कारण
याप्रकरणी संशयित आरोपी वैभव विलास गोराणे (१८), अंकुश शिवाजी धुळसैंदर (१८) व एका अल्पवयीन मुलाला पोलिसांनी ताब्यात घेतले आहे. संशयित आरोपी वैभव गोराणे याने त्याच्या मित्रांबरोबर मयत वैष्णवी हिच्या घरी जाऊन तिला व तिच्या वडिलांना दमदाटी केली. त्यानंतर गच्ची पकडून आणि वैष्णवी हिला तुला जगण्याचा अधिकार नाही, तू जीव दे नाहीतर आम्ही तुझा जीव घेतो’ अशी धमकी दिल्याचे चिठ्ठीत म्हटले आहे.
Nashik District sinner Girl Student Suicide Crime
Youth Molestation
