सिन्नर (इंडिया दर्पण वृत्तसेवा) – तालु्क्यातील किर्तांगळी येथे नुकतेच सुट्टीवर आलेल्या लष्करी जवानाचा ह्रदयविकाराच्या झटक्याने मृत्यू झाल्याची घटना घडली. अमोल सखाराम चव्हाणके (वय ३३) असे मृत जवानाचे नाव आहे. रविवारी रात्री १२ वाजेच्या सुमारास हा ह्रदयविकारा झटका आला.
याबाबत सविस्तर माहिती अशी की, अमोल चव्हाणके हे लष्करात जवान म्हणून कार्यरत आहेत. नुकतेच ते सुटीवर गावी आले होते. रविवारी ते किर्तांगळी येथून वडांगळीला आपल्या दुचाकीने जात होते. मात्र, रस्त्यात अचानक त्यांच्या छातीत दुखु लागले व घाम फुटला. याबाबत त्यांनी नातेवाईकांना माहिती दिली. त्यानंतर त्यांना तात्काळ शहरातील खासगी रुग्णालयात दाखल करण्यात आले.
खासगी रुग्णालयात उपचार सुरु केल्यानंतर त्यांची तब्ब्येत जास्त बिघडली. त्यामुळे त्यांना तातडीने ग्रामीण रुग्णालयात दाखल करण्यात आले. येथे डॅाक्टरांनी त्यांना तपासून मृत घोषित केले. त्यांच्या मृत्यूने गावावर शोककळा पसरली आहे. किर्तांगळी गावात अतिशय शोकाकुल वातावरणात त्यांच्या पार्थिवावर अंत्यसंस्कार करण्यात आले.
Nashik District Sinner Army Jawan Death Heart Attack
Rural Kirtangli
