नाशिक (इंडिया दर्पण वृत्तसेवा) – जिल्ह्यातील मोठ्या व मध्यम अशा २४ प्रकल्पांमध्ये ४ ऑगस्ट रोजी ५९ टक्के साठा आहे. गंगापूर धरणाचा साठा ८३ टक्के तर समुहात ६८ टक्के साठा आहे. ३० जून अखेर जिल्ह्यातील धरणात २१ टक्के साठा होता तर गंगापूर धरणाचा साठा २९ टक्के तर समुहात २० टक्के साठा होता. पण, ३१ दिवसांमध्ये २४ प्रकल्पांमध्ये ३८ टक्के वाढ झाली आहे.
भावली, हरणबारी धरण ओव्हरप्लो झाले आहे. त्याचबरोबरच गंगापूर, दारणा, कडवा, या धरणात ७५ टक्केहून अधिक पाणीसाठा झाला आहे. पालखेड, पुणेगाव,मुकणे,नांदूरमदमेश्वर, चणाकपूर, पुनद या धरणात ५० टक्केहून अधिक साठा आहे. तर १५ धरणात मात्र ५० टक्केपेक्षा कमी साठा आहे. गेल्या पावसाळ्यात जिल्हयातील जवळपास सर्व धरण भरली होती. त्यानंतर हा धरणसाठा कमी झाला. पण, आता वाढ होत आहे. अजूनही काही ठिकाणी दमदार पाऊस नाही. त्यामुळे य़ेथील धरणाची पातळी कमी आहे. पुढील काळात ही धरणे भरण्याची शक्यता आहे.
दरम्यान, ऑगस्ट महिन्यात पाऊस सर्वसाधारण राहणार असल्याचा अंदाज भारतीय हवामानशास्त्र विभागाने वर्तवला आहे. त्यामुळे ऑगस्टमध्ये फारसा पाऊस होणार नाही. परिणामी, जिल्ह्यातील जलसाठा फारसा वाढणार नसल्याचे बोलले जात आहे.
nashik district dam position water storage
