नाशिक – नाशिकरोड येथील करन्सी नोट प्रेसमधून तब्बल लाखो रुपयांच्या नोटा गायब झाल्याची खळबळजनक वार्ता आहे. केंद्र सरकारच्या अखत्यारित असलेल्या या प्रेस मधून नोटा गायब कशा झाल्या असा प्रश्न उपस्थित होत आहे. प्रेसमधील ५ लाख रुपयांच्या नोटांचा हिशोब लागत नसल्याचे सांगितले जात आहे. याप्रकरणी अद्याप तक्रार देण्यात आलेली नाही किंवा पोलिस स्टेशनमध्ये गुन्हाही दाखल झालेला नाही. केंद्रीय राखीव सुरक्षा दलाची कडेकोट सुरक्षा व्यवस्था प्रेसमध्ये असते. सूत्रांनी दिलेल्या माहितीनुसार ५०० रुपयांचे १० बंड गायब आहेत. प्रेस व्यवस्थापनाने याची गंभीर दखल घेतली असून या नोटांची शोधाशोध सुरू आहे. सीसीटीव्ही कॅमेऱ्यासह अन्य बाबी पडताळून पाहिले जात असल्याचे सांगितले जात आहे. याप्रकरणी प्रेस व्यवस्थापनासह अन्य कुणीही काहीही माहिती देण्यास नकार दिला आहे. पोलिसात तक्रार दिल्यानंतर किंवा गुन्हा दाखल झाल्यानंतरच अधिक बाबी स्पष्ट होणार आहेत.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
