नाशिक (इंडिया दर्पण वृत्तसेवा)- शहर परिसरात आत्महत्येचे सत्र सुरूच असून गेल्या दोन दिवसात वेगवेगळया भागात राहणा-या पाच जणांनी आपले जीवन संपविले. त्यातील चौघांनी गळफास लावून घेत तर महिलेने विषारी औषध सेवन करून आत्महत्या केली. मृतांच्या आत्महत्येचे कारण समजू शकले नाही. याबाबत इंदिरानगर,अंबड व उपनगर पोलीस ठाण्यात मृत्यूच्या नोंदी करण्यात आल्या आहेत.
पाथर्डी शिवारातील गौळाणे रोड भागात राहणा-या दयानंद नाना वाघचौरे (५० रा.कोंबडे मळा,गौळाणेरोड) यांनी गुरूवारी (दि.१५) अज्ञात कारणातून आपल्या राहत्या घरी गळफास लावून घेतला होता. त्यात त्यांचा मृत्यू झाला. याबाबत अविनाश सुर्यवंशी यांनी खबर दिली आहे. दुसरी घटना याच भागातील दामोधरनगर भागात घडली. मुक्ता संदिप ढवळे (२४ रा.सकुण हाईटस,दामोधरनगर पाथर्डी फाटा) या महिलेने बुधवारी (दि.१४) अज्ञात कारणातून आपल्या राहत्या घरातील बेडरूममध्ये लोखंडी हुकाला साडी बांधून गळफास लावून घेतला होता. त्यात त्याचा मृत्यू झाला. याबाबत शाम माळुंजकर यांनी खबर दिली आहे. दोन्ही घटनांप्रकरणी इंदिरानगर पोलीस ठाण्यात वेगवेगळय़ा मृत्यूच्या नोंदी करण्यात आल्या असून अधिक तपास हवालदार पवार करीत आहेत.
तिसरी घटना कामटवाडा भागात घडली. गोदावरी राजशेखर पाटील (५० रा.सिध्दीविनायक सोसा.डीजीपीनगर) या महिलेने गुरूवारी (दि.१५) सकाळच्या सुमारास अज्ञात कारणातून आपल्या राहत्या घरी विषारी औषध सेवन केले होते. ही बाब निदर्शनास येताच पती राजशेखर पाटील यांनी त्यांना तातडीने उंटवाडीतील गुरूकृपा हॉस्पिटल येथे दाखल केले असता उपचार सुरू असता वैद्यकीय सुत्रांनी त्यांना मृत घोषीत केले. याबाबत डॉ.प्रियंका बाफना यांनी खबर दिली आहे.
चौथी घटना सिडकोतील बडदेनगर भागात घडली. हेमंत प्रभाकर पवार (४५ रा.नारायण हाईटस,बडदेनगर) यांनी बुधवारी (दि.१४) सायंकाळच्या सुमारास अज्ञात कारणातून आपल्या राहत्या घरात पंख्यास दोरी बांधून गळफास लावून घेतला होता. ही बाब निदर्शनास येताच कुटूंबियांनी त्यांना तात्काळ जिल्हारूग्णालयात दाखल केले असता वैद्यकीय सुत्रांनी तपासून मृत घोषीत केले. दोन्ही घटनांप्रकरणी अंबड पोलीस ठाण्यात वेगवेगळया नोंदी करण्यात आल्या असून अधिक तपास हवालदार महाजन व शेख करीत आहेत.
तर नाशिकरोड परिसरातील वाल्मिक बाळासाहेब राऊत (२७ रा.ओमकार अपा. औटे मळा) या युवकाने गुरूवारी (दि.१५) रात्री अज्ञात कारणातून आपल्या राहत्या घरातील गॅलरीच्या हुकाला उपरणे बांधून गळफास लावून घेतला होता. वडिल बाळासाहेब राऊत यांनी त्यास तातडीने बिटको हॉ्स्पिटल येथे दाखल केले असता वैद्यकीय सुत्रांनी तपासून मृत घोषीत केले. याबाबत उपनगर पोलीस ठाण्यात मृत्यूची नोंद करण्यात आली असून अधिक तपास पोलीस नाईक बोडके करीत आहेत.
