इंडिया दर्पण ऑनलाईन डेस्क
चंद्रपूरः एका उमेदवाराच्या प्रचारासाठी आयोजित केलेल्या एका पार्टीच्या वेळी माजी उपसरपंचाचा विहिरीत पडून मृत्यू झाल्याची घटना समोर आली आहे. या घटनेनंतर राजकीय वर्तुळात मोठी खळबळ उडाली आहे.
वरोरा तालुक्यातील फत्तेपूर इथे प्रमोद मगरे या काँग्रेस कार्यकर्त्याने आपल्या गिट्टी क्रशर परिसरात कार्यकर्त्यांसाठी रात्रीच्या वेळी भोजन आयोजित केले होते. या भोजनाच्या कार्यक्रमात पांझुर्णी येथील माजी उपसरपंच गजानन काळे हे सहभागी झाले होते.
पार्टी सुरू असतानाच काळे एका सहकाऱ्यासह जवळच्या मोकळ्या जागेत गेले आणि तेथील विहिरीत पडले. विहिरीत पडल्याचा आवाज येताच सगळे विहिरीकडे धावले. दोघांपैकी एकाला पोहता येत असल्याने तो वाचला; मात्र काळे विहिरीत बुडाले. यात त्यांचा मृत्यू झाला.
